391 xebatkarên tenduristiyê yên Enqerê bi vîrûsê ketin 

2020-06-02 16:14:56


	 

	ENQERE - Derbarê xebatkarên tenduristiyê de Odeya Bijîşkan a Enqerê daxuyaniyek dan û diyar kirin ku li tevahiya bajêr 391 xebatkarên tenduristiyê bi vîrûsa koronayê ketin û bijîşkekê jî jiyana xwe ji dest da. 

	 

	Desteya Rêveber a Odeya Bijîşkan a Enqerê (ATO), derbarê xebatkarên tenduristiyê yên bi şewba vîrûsa korona (Covîd-19) ketin de, daxuyaniyek nivîskî weşand. Di daxuyaniyê de hat diyar kirin ku li tevahiya bajêr 391 xebatkarên tenduristiyê bi vîrûsê ketin û bijîşkekê jî jiyana xwe ji dest da. 

	 

	Hejmara xebatkarên beşên cuda yên tenduristiyê yên bi vîrûsê ketin wiha ye: “78 bijîşkên pispor, 42 asîstanên tibbî, 10 sekreterên tîbbî, 4 bijîşkên diran, 1 bijîşkê cihê kar, 56 hemşîre, 26 teknîsyenên tipa lezgîn, 7 xebatkarên mitbexê, 3 karmendên ewlekariyê, 1 dermanfiroş, 47 karkerên paqijiyê,  25 bijîşkên malbatê, 6 xebatkarên îdarî û 2 teknîsyenên rontgene.”