
Li gelek deveran tayînkirina qeyûman hat şermezarkirin 

2020-05-19 15:32:23


	&nbsp;

	NAVENDA NÛÇEYAN - Nûnerên rêxistinên civakî û HDP'ê li gelek navendan daket qadan û çalakî li dar xistin û tayînkirina qeyûman şermezar kirin.&nbsp;

	&nbsp;

	Piştî Wezîrê Karên Hundir, qeyûm tayînî şaredariyên Partiya Demokratîk a Gelan (HDP) yên Îdîr, Sêrt û navçeyên Misirc û Hawêlê û Bajaroka Vartînis a Mûşê kir bertek û nerazîbûn zêde dibin. Nûnerên rêxistinên civakî û HDP'ê li gelek navendan daket qadan û çalakî li dar xistin. Di çalakiyên şermezarkirinê de hat destnîşankirin ku tayînkirina qeyûman a ser şaredariyên Sêrt, Îdir, Misirc, Xana Hawêl û Vartînîsê yên HDP’ê “darbeya AKP’ê” ye.&nbsp;

	&nbsp;

	Li dijî qeyûman li Silopiyê çalakî&nbsp;

	&nbsp;

	Li navçeya Sîlopî ya Şirnexê jî endam û rêveberên HDP'ê û nûnerên rêxistinên demokratîk li pêş avahiya HDP'ê ya Sîlopiyê kom bûn û tayînkirina qeyûman şermezar kirin. Parlamenterên HDP'ê, hevşaredar û rêveberên HDP’ê amade bûn. Di çalakiyê de pankarta “Qeyûm darbeya li dijî vîna hilbijêr e" vekirin û daxuyanî dan. Parlamenterê HDP'ê Hasan Ozgüneş, diyar kir ku AKP her ku diçe bêtir biçûk dibe û ji ber vê yekê êrîşî derdorê dike û qeyûm tayînî şaredariyan dike Hasan anî ziman ku ew dê şaredariyan dîsa qezenç bikin, demokrasî, aştî û edaletê bînin Tirkiyeyê.&nbsp;

	&nbsp;

	Tayînkirina qeyûman li Rihayê hat şermezarkirin

	&nbsp;

	Rêxistina HDP’ê ya Rihayê têkildarî tayînkirina qeyûman daxuyanî da çapemeniyê. Hevseroka Rêxistina HDP’a Rihayê Emîne Çetîner di daxuyaniyê de axivî û got: “Vîna gel bi qeyûman ji holê radikin û dixwazin rejîma qeyûman ava bikin. Îqtîdar dixwaze vê mayînde bike. Ji me û şaredariyên me ditirsin. Şewb, vîn, maf û hiqûqê nas nakin û qeyûman tayîn dikin.” Parlamenterê HDP’ê yê Rihayê Omer Ocalan jî destnîşan kir ku mafê bijartinê ji destê gelê kurd digirin û got: “Yên ku behsa demokrasiyê û mafê mirovan dikin qeyûman tayîn dikin û vîna gel nas nakin. Zilmek wiha li tu devera dinyayê nîne. Darbekar li dijî gelê kurd darbeyê dikin. Her roj zilmê li gelê kurd dikin. Lê wê gelê kurd netirse û têkoşîna bidomîne. Şaredariyên we nikaribû bi hilbijartinê bi dest bixin, lê hûn bi zordestiya qeyûm desteser dikin.” Daxuyanî bi berzkirina dirûşm û çalakiya rûniştinê bi dawî bû.

	&nbsp;

	Li Semsûrê daxuyanî hat dayîn&nbsp;

	&nbsp;

	Rêxistina HDP’ê ya Semsûrê jî tayînkirina qeyûman bi daxuyaniyek çapemeniyê şermezar kir. Hevserokê Rêxistina HDP’ê ya Navçeya Navendî Hasarî Ogûz daxuyanî da û destnîşan kir ku ew ê li dijî qeyûman têkoşîna xwe bidomînin.

	&nbsp;

	&nbsp;