
Li Girtîgeha Sîncanê 6 girtî bi jehrê ketin  

2020-05-19 15:10:32


	&nbsp;

	ENQERE - Li Girtîgeha Jinan a Sîncanê ji ber xwarinê 6 girtî bi jehrê ketin.&nbsp;

	&nbsp;

	Hat diyar kirin ku duh êvarê li Gîrtîgeha Jinan a Sîncan 6 girtî ji ber xwarinê bi jehrê ketin. Girtiya bi navê Leyla Uyank bi rêya telefonê agahî da xwişka xwe Esra Uyanik.&nbsp;

	&nbsp;

	Esra axaftina xwe ya bi xwişka xwe re pêk anî wiha anî ziman: "Leyla îro telefon vekir û ji me re qala jehrêbûna girtiyan kir. Ji bo hîn koxuşan xwarin hatiye belavkirin û lê vê êvarê koxuşa xwişka min xwarin negirtiye. Koxuşên ku xwarin girtine bi jehrê ketin. 6 girtiyên jin bi jehrê ketine, giriyek ji ber ku rewşa wê xirabûye rakirine nexweşxaneyê û yên din jî hema li revîrê hatine tedawîkirin. Her wiha girtiya ku birinê nexweşxaneyê piştî anîne girtîgehê jî xistine bin karantînayê. Derbarê girtiyên din ên edlî jî agahî negirtine."&nbsp;

	&nbsp;