
Hevşaredarên jin: Em rejîma qeyûman qebûl nakin  

2020-05-15 17:05:13


	&nbsp;

	QERS / AGIRÎ - Hevşaredar Şevîn Alaca û Huşerref Geçer, bertek nîşanî tayînkirin qeyûman da û gotin: "Tayînkirina qeyûman tê wateya darbeyê. Em vê tiştî qebûl nakin û em ê dengê xwe bilind bikin."

	&nbsp;

	Bertek û nerazîbûnên li hemberî tayinkirina qeyûman ên şaredariyên Îdir, Sêrt, navçeyên Misirc, Hawêlê û Altinovayê yên Partiya Demokratîk a Gelan (HDP) û binçavkirin hevşaredaran didomin. Hevşaredara Qersê Şevîn Alaca û hevşaredara Patnosa Agiriyê Muşerref Geçer derbarê tayînkirina qeyûman de nêrînên xwe anîn ziman.&nbsp;

	&nbsp;

	Şevîn Alaca, diyar kir ku di pêvajoyeke wisa zehmet de em hewl didin ku xizmetê bidin gelê xwe û got: "Ligel em dixwazin xizmetê bidin gelê xwe îqtîdar vîna gel tune dihesibîne û şaredariyên gel xestp dike. Rêjima qeyûmê tê wateya darbe yê. Em kiryarên bi vî rengî tu carî qebûl nakin. Em ê wekî her tim dengê xwe li her qadê bilind bikin."

	&nbsp;

	Muşerref Geçer, jî bertek nîşanî tayînkirina qeyûman da û wiha axivî: "Vê serê sibehê jî me dît ku zext û zordarî hêj jî didomin. Tişta ku bê gotin di hêla ehlaq û wijdanî de ne maye. Di pêvajoya vîrûsê de şaredari bi hêza xwe xizmetê didin gelê xwe. Di rewşeke wisa de tayînkirina qeyûman nayê qebûlkirin."&nbsp;