Rêveberiya Xweser derbarê qedexeya derketina derve de daxuyanî da  

2020-05-11 16:30:56


	 

	NAVENDA NÛÇEYAN - Rêveberiya Xweser a Bakur û Rojhilatê Sûriyeyê ji bo parastina gel ji Vîrûsa Korona bi daxuyaniyeke nivîskî hin biryarên girîng da.

	 

	Rêveberiya Xweser a Bakur û Rojhilatê Sûriyeyê ji bo parastina herêmê ya ji Vîrûsa Korona, bi daxuyaniyek nivîskî dema qedexeya derketina derve dirêj kir. Ji nava hemû herêmên Bakur û Rojhilatê Sûriyeyê ji Kantona Hesekê re ev biryar ne derbasdar e.

	 

	Daxuyanî wiya heye:

	 

	*Ji roja sêşemê 12’ê Gulana 2020’an ta dawiya cejina Remezanê qedexeya derketina derve li Herêmên Bakur û Rojhilatê Suriyeyê tê dirêjkirin.

	 

	*Qedexeya derketina derve îro ji saet 19:00-06:00'an heta roja din sibehê dest pê dike.

	 

	*Ji bo hemû bazirgan û dikandaran dikarin ji saet 06:00-19:00 kar bikin.

	 

	*Ji bo tevgerên veguhestinê û yên girseyî dikarin li hundur û derveyî bajaran û di navbera dezgehan de kar bikin tevî tedbîrên tenduristî û ji dûrketina kombûna civakî. 

	 

	*Hemû sazî û dezgehên Rêveberiya Xweser ew ê têkeve betlaneyê ji bilî Şaredarî,Tenduristî  û Hêzên ewlekariya hundirîn heta piştî cejina Remezanê.

	 

	*Hemû deriyên Sînor girtî dimînin heta ku biryar ji Rêveberiya Meclîsa Rêveber a Bakur û Rojhilatê Sûriyeyê derdikeve.

	 

	*Adetên olî yên di meha Remezanê de tên kirin serbest in dikarin pê rabin, lê belê divê ku tedbîrên tenduristî bigirin û kombûna zêde neyê çêkirin.

	 

	*Bi giştî xwaringeh, cafe, dibistan, peymangeh û zanîngeh di dema qedexeyê de girtîne.

	 

	*Ji van biryarên ku derketine, lê giştî herêmên Bakur û Rojhilatê Suriyeyê pêwîst e pêk werin ji derveyî Kantona Hesekê ji ber ku beriya niha du kes bi nexweşiya Vîrûsa Korona ketin li gorî rewşê wê rêveberiya herêma Cizîrê bi kar û barên guncav rabe.