
Şîdeta li hemberî Meryemê li bajarên Elmanyayê hat şermezarkirin 

2020-05-05 10:58:17


	&nbsp;

	NAVENDA NÛÇEYAN - Êrîşa li hemberî Meryem Şahîn a li bajarê Hambûrg ê Elmanyayê pêk hatî li gelek bajarên Almanyayê hat şermezar kirin.&nbsp;

	&nbsp;

	Li Elmanyayê Meryem Şahîn bi şîdetê re rûbirû ma û ev tişt ji hêla rêxistinên jinan ve li gelek bajarên Elmanyayê bi çalakiyan hatin şermezarkirin.&nbsp;

	&nbsp;

	Endamên rêxistinên Yenî Kadin, TJK-E, Zusammen Kampfen, Komeleya Dijberên Qirkirina Dersimê 1938, SKB, Die Linke, Stuttgarter Frauenbundnis, ATÎK, ADHK li Schlossplatzê li Stuttgarterê li hev kom bûn û daxuyaniyek dan û êrîş şermezar kirin.&nbsp;

	&nbsp;

	Li bajarê Kolnê jî endamên Yekîtiya Jinên Sosyalîst (SKB), Tevgera Jin ên Ciwan ZORA û Meclîsa Jinê ya Viyan çalakî li darxistin. Çalakî ji ber pandemiyê bi tevdîr hat lidarxistin. Di çalakiyê de bi navê SKB, TJK-E û ZORA'yê belavok hatin xwendin û hate bibîrxistin ku îsal li Elmanyayê 4 jin û di sala 2019'an de jî 135 jin ji aliyê mêran ve hatin qetilkirin. Jinan diyar kirin ku di dema pandemiyê de tundiya li dijî jinê zêde bûye û bang li jinan hate kirin ku dengê bilind bikin.

	&nbsp;

	Li bajarê Frankfûrtê jî li Haûptwacheyê çalakî pêk hat û êrîşa li dijî Meryem Şahîn hate şermezarkirin. Çalakî ji aliyê SKB, Rêxistina Jinan a Ciwan ZORA ve hate lidarxistin û Tevgera Jinên Kurd, rêxistina Yenî Kadin û gelek rêxistinên jinan piştgirî dan çalakiyê. Her wiha ji bo çalakiya sibêhê jî bang tevlîbûnê hat kirin.&nbsp;

	&nbsp;

	Li bajarê Hambûrgê jî çalakiya şermezarkirinê li ber mala Şahîn pêk hat. Di serî de cîran û hevalên wê nêzî 200 kes tevlî çalakiyê bûn. Çalakiya şermezarkirinê ji aliyê Însiyatîfa Jinê ya Hambûrgê ya li dijî Tundiyê ve hat organîzekirin. Leyla Kaya bi navê însiyatîfê axivî û got, "Li dijî tundiyê em serî hildidin, em bi hêrs in." Parlamentera Partiya Çep a Hambûrgê Cansû Ozdemîr jî diyar kir ku femîsîd divê di çarçoveya qanûnan de bê nirxandin û wê her tim li ber tundiyê rabin.

	&nbsp;