
KCDP: Di meha nîsanê de 20 jin hatin kuştin  

2020-05-02 17:09:50


	&nbsp;

	STENBOL - Li gorî rapora Platforma Em ê Kuştinên Jinan Rawestînin (KCDP), di meha nîsanê de 20 jin ji aliyê mêran ve hatin kuştin.

	&nbsp;

	Platforma Em ê Kuştina Jinan Rawestînin (KCDP), rapora xwe ya meha nîsanê weşand. Di raporê de hat destnîşan kirin ku di meha nîsanê de 20 jin hatine kuştin û êrîşa zayendî ya li hemberî zarokan jî berdewam kiriye.&nbsp;

	&nbsp;

	Di raporê de qala tedbîrên ku ji bo vîrûsa koronayê hatine girtin hat kirin û bandora tedbîrê ya li ser jinê jî hat vegotin. Di raporê de wiha hat gotin: "Tedbîrên ku li malê bimînin hatine girtin betir bandorê li ser jiyana jinê kiriye û jiyana jinan xistiye di nava zehmetiyên mezin. Ji bo vê yekê jî divê ji bo jinan tedbîrên cuda bên girtin."

	&nbsp;

	Di raporê de hat destnîşankirin ku di meha nîsanê de 20 jin bi awayekî bi guman hatine kuştin û êrîşa zayendî ya li hemberî zarok û jinan berdewam kiriye û ev agahî hatin parvekirin: “Sedema kuştina 14 jinan nehatiye tespîtkirin. 2 jin bi sedemên aborî, 4 jin daxwaza doza hevberdanê kirine hatine kuştin. Tespîtnekirina sedema kuştina14 jinan jî ji ber vîrûsa koronayê bû."&nbsp;

	&nbsp;

	Di dawiya raporê de ji bo pêşîlêgirtina kuştina jinan ev hişyarî hat kirin: "Heta ku sedemên qetilkirina jinan neyên tespîtkirin, darizandina adîlane pêk neyê û kujer cezayên giran nexwin û tedbîrên peşîlêgirtina kuştinê pêk neyên dê hejmara şîdet û kuştina jinê dê zêdebin û berdewam jî bikin."&nbsp;