
Ji bo 13 HDP'yiyan biryara bêşopandinê hat dayîn 

2020-04-29 09:40:50


	&nbsp;

	ŞIRNEX - Rêvebiriya HDP'ê ya navçeya Cizîra Şirnexê di 14’ê Cotmeha 2019’an de xwestibû ku li dijî oparasyona li ser Bakur û Rohilatê Sûriyeyê daxuyaniyê bidin û bi êrîşe re rûbirû hatibûn. Derbarê 13 kesan de lêpirsîna ku hatibû vekirin de biryara bêşopandinê hat dayîn. &nbsp;

	&nbsp;

	Rêvebiriya Partiya Demokratîk a Gelan (HDP) a navçeya Cizîra Şirnexê di 14’ê Cotmeha 2019’an de xwestibû ku li dijî oparasyona li ser Bakur û Rohilatê Sûriyeyê hatiye destpêkirin daxuyaniyê bidin. Lê polîsan bi hinceta biryara qedexeyê ya walîtiyê heye destûr nedabûn ku daxuyanî bê dayîn û girse bi êrîşê re rûbirû mabûn.&nbsp;

	&nbsp;

	Ji aliyê Serdozgeriya Komara Cizîrê ve bi hinceta “Li dijî qanûnê civîn pêk anîn û bêçek tevlî meşê bûyîn û li dijî hişyariyê bi xwe belavnebûyîn” derbarê hevseroka HDP’ê ya Cizîrê Guler Tunç, Hevşaredarên Şaredariya Cizîrê ku şûna wê qeyûm hat tayînkirin Bêrîvan Kutlu û Mehmet Zirig jî di navê de heyî derbarê 13 kesan de lêpirsîn hatibû destpêkirin.

	&nbsp;

	Lêpirsîna ku hatiye vekirin de bi hinceta delîl kêmin biryara bêşopandinê di derbarê 13 kesan de hat dayîn. Di derbarê 13 kesên ku lêpirsîn hatiye vekirin navên wan wiha ne: "Guler Tunç, Bêrîvan Kutlu, &nbsp;Mehmet Zirig, &nbsp;Elfesya Nas, Fîrdevs Candoruk, Îsmaîl Nerse, Leyla Tatli, Mehmet Bagata, Mehmet Zekî Îrmez, Sabrî Erdogmuş, Selahattîn Kolanç, Susan Aksu û Zîlan Ecevît."&nbsp;

	&nbsp;