
Rêveberiya Xweser dema qedexeya derketina derve dirêj kir 

2020-04-22 09:20:00


	&nbsp;

	NAVENDA NÛÇEYAN - Rêveberiya Xweser a Bakur û Rojhilatê Sûriyeyê bi biryarnameyekê ragihand ku qedexeya derketina derve heta 1’ê Gulana bê, hatiye dirêjkirin.

	&nbsp;

	Rêveberiya Xweser a Bakur û Rojhilatê Sûriyeyê biryara hejmara /37/ da. &nbsp;Li gorî biryara dema qedexeya derketina derve heta destpêka meha Gulanê hate dirêjkirin. Xebatên çandinî û hin beşên din di ber çavan re tê derbaskirin.

	&nbsp;

	Biryar wiha ne:

	&nbsp;

	"*Tevahiya dermanxaneyên (mirovî, çandinî, beytarî) , dikanên frotina sebze û fêkiyan, dikanên firotina goşt û şêranî, tevahiya besta û firoşkarên gerok dikarin di dema qedexeya derketina derve de kar bikin.

	&nbsp;

	*Dikanên madeyên xwarinê di dema qedexeya derketina derve dikarin bên vekirin.

	&nbsp;

	*Dikanên serfkirina pere û hewale di rojên În û Şemiyê de tên vekirin.

	&nbsp;

	*Warên avahîsazî, werşeyên firotina madeyên avakirinê û tevahiya dikanên herêmên pîşeyî dikarin di dirêjahiya dema qedexeya derketina derve de kar bikin.

	&nbsp;

	* Tevgera birayên cotkaran û karkeran tê hêsankirin bi şerta ku hejmara karkeran di erebeyekê de 10 kesan derbas neke.

	&nbsp;

	*Erebeyên veguhestina madeyên xwarin, paqijî, derman, şîrê zarokan, pêdiviyên tenduristiyê û dezenfektekirin û sotemenî dikarin di navbera rêveberiyan de û &nbsp;di her rêveberiyekê de tev bigerin.

	&nbsp;

	*Xwediyên kar ên tevahiya waran dikarin bixebitin, lê bi şerta ku rêbazên xweparastina kesayetî bi kar bînin, mask û lepikan xwe bikin,her wiha ji kombûna dûr bikevin.

	&nbsp;

	*Ev biryar ji her kesê ku pêk tîne tê agahdarkirin."

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

	&nbsp;

	&nbsp;

	&nbsp;

	&nbsp;

	&nbsp;