
Yekîtiya Êzidîyên Efrînê Çarşema Sor li Kurdên Êzidî pîroz kir 

2020-04-15 11:07:32


	&nbsp;

	ŞEHBA - Yekîtiya Êzîdiyên Efrînê bi daxuyaniyek nivîskî, cejina Çarşema Sor li Kurdên Êzîdî pîroz kirin.

	&nbsp;

	Yekîtiya Êzîdiyên Efrînê bi daxuyaniyek nivîskî cejina Çarşema Sor pîroz kir û diyar kir ku ew cejina Çarşema Sor li cîhanê giştî û bi taybet Rêberê PKK'ê Abdullah Ocalan yê ku ta vê kêliyê ji bo azadiya gelan di zindana Imraliyê de têdikoşe pîroz kir.

	&nbsp;

	Daxuyanî wiha ye:

	&nbsp;

	"Sersala Êzidî ku bi navê cejina Çarşema Sor tê nasîn, di 15’ê Nîsanê de tije dibe. Di dema ku buhar tê û hemû xweza xwe nû dike ev jî weteya temamkirina jiyanê dide. Di vê cejinê de hêk bi heft rengên ku yekser ji rengê spî derdikeve û sembola ronahiya xwedayê mezin dide, tê boyaxkirin. Bi boneya cejina Çarşema Sor em li tevahî Gelê Kurd û bi taybet &nbsp;Kurdên Êzidî pîroz dikin.

	&nbsp;

	Di dema ku hemû gerdûn ji bo dawikirina Vîrûsa Korona dixebite, dewleta tirk vê demê fersend ji xwe re dibîne û êrîşên xwe li ser gelê sivîl didomîne, di encamê êrîşên dewleta tirk de gel jiyana xwe ji dest dide û gelek zirarên madî dijîn, lê her xema dewleta tirk ew e ku gelê Efrînê yê koçkirî careke din bi darê zorê koçî cihekê din bike.

	&nbsp;

	Careke din em cejina Çarşema Sor li cîhanê giştî pîroz dikin bi taybet Rêber Apo yê ku ta vê kêliyê ji bo azadiya gelan di zindana Imraliyê de têdikoşe û em bi vê boneyê hêvî dikin ku cîhan giştî ji vê vîrûsê xilas bibe, Efrîn û tevahî Sûriyeyê ji terorê bê rizgarkirin." 

	&nbsp;