
Hevşaredar Mulkiye Esmez a ku bi pençeşêrê ye nehat tehliyekirin 

2020-04-01 15:17:03


	&nbsp;

	MÊRDÎN - Yekemîn rûniştina Hevseroka Şaredariya Dêrikê Mulkiye Esmez a ku di meha mijdarê de hatibû girtin û dewsa wê qeyûm hatibû tayinkirin, hat dîtin. Mulkiyeya ku tedawiya Pençeşêra Kolanê dibîne nehat tehliyekirin û rûniştina li pêş taloqî 17'ê Hezîranê hat kirin.&nbsp;

	&nbsp;

	Li navçeya Dêrikê ya Mêrdînê, Hevşaredara Dêrikê Mulkiye Esmez ya HDP’î ku 19’ê mijdara 2019’an de hatibû binçavkirin û girtin, yekemîn daneşîna wê hat dîtin. Mulkiye ji Girtîgeha Jinan a Tarsûsê bi rêya SEGBÎS’ê tevlî daneşîna xwe ku li 2’yemîn Dadgeha Cezaya Girana a Mêrdînê hat dîtin bû.

	&nbsp;

	Di daneşînê de destpêkê parêzera Mulkiye Esmez, Dildar Ektîren parastin kir. Dildar, daxwaza berdana muwekîla xwe kir.

	&nbsp;

	Hevşaredar Mulkiye jî, destnîşan kir ku tedawiya Penceşêra Kolonê dibîne û şertên girtîgehê ji bo wê gelek zehmet tên û wiha got: “Bi vîrûsê re ev şert hîn zehmetir bûne û mayîna min a li koguşê pir zor e. Ez sûcdariyên derbarê xwe de red dikim. Berdan û beraata xwe dixwazim.”

	&nbsp;

	Dadgehê bi angaşta “Bi gumana bi hêz a sûc” biryara berdewamkirina girtina Mulkiye da û daneşînê taloqî 17’ê Hezîranê kir.

	&nbsp;

	&nbsp;