
TUAY-DER: Divê rayedar cudakariyê nexin nava girtiyan  

2020-03-31 15:28:43


	&nbsp;

	AMED - Têkildarî belavbûna xetereya vîrûsa korona ya li girtîgehan TUAY-DER'ê daxuyaniyek da û bang li rayedarên hikûmetê, partiyên siyasî û rêxistinên civakî û demokratîk kirin û gotin li gorî rêgeza wekheviyê tevbigerin û hemû girtiyan serbest berdin.

	&nbsp;

	Komeleya Piştevaniyê ya Malbatên Girtiyan a Amedê (TUAY-DER), têkildari xetereya vîrûsê ya li Tirkiyeyê daxuyaniyeke nivîskî weşand. TUAY-DER'ê di daxuyaniyê de bal kişandin ser xetereyên vîrûsê û wiha hat got: “Di rewşeke wisa de girtîgeh di xeteriyê de ne. Em ji rayedarên hikûmetê û Wezareta Dadê re dibêjin ku guh bidin banga Neteweyên Yekbûyî ya ku der barê berdana girtiyan de bang li hemû welatan kir."

	&nbsp;

	Di daxuyaniyê de hat destnîşan kirin ku niha li girtîgehan paqijî nayê kirin û şertên girtiyan li dijî parastina vîrûsê ne guncav e û wiha hat bi lêv kirin: "Ev rewş naye qebûlkirin. Em bang li rayedarên hikûmetê, partiyên siyasî û rêxistinên civakî û demokratîk dikin ku li gorî rêgeza wekheviyê tevbigerin. Guhertina zagonan a ku girtiyên siyasî nexe nava xwe nayê qebûlkirin."&nbsp;

	&nbsp;&nbsp;

	TUAY-DER'ê di daxuyaniya xwe de bang li rayedarên hikûmetê û partiyên koma wan li meclîsê heyî kir û xwest li gorî rêgeza wekheviyê ya Destûra bingehîn tev bigerin û wiha got: "Em dîsa bang li Rêxistinên civakî û sivîl partiyên siyasî, pêşengên civakê, rewşenbir, ronakbir û kesên demokrat dikin ku li dijî vê cudakariyê dengê xwe bilind bikin. Em dixwazin di serî de girtiyên nexweş, Birêz Abdullah Ocalan û hemû girtiyên siyasî jî di navde hemû girtî serbest bêne berdan. Vîrûsa corona cudakariyê naxe nava kesan. Em dixwazin rayedar jî cudakariyê nexin nava kesan."&nbsp;