Hevşaredara Şemrexê Nalan Ozaydin bi gumana vîrûsê xistin karantînayê 

2020-03-31 14:25:09


	 

	MÊRDÎN - Hat hîn bû ku Hevşredara Şemrexê Nalan Ozaydin a ji peywirê hat dûrxistin, berî 3 rojan ji Girtîgeha Tarsûsê sewqî Mêrdînê hatiye kirin û bi gumana vîrûsa koronayê li nexweşxanê dibin karantînayê de tê girtin. 

	 

	Derket holê ku Hevşaredara Partiya Demokratîk a Gelan (HDP) ya Navçeya Şemrexê ya Mêrdînê Nalan Ozaydin a ji peywirê hat dûrxistin, berî 3 rojan ji Girtîgeha Tîpa T a Jinan a Tarsûsê sewqî Mêrdînê hatiye kirin û bi gumana vîrûsa korona (Kovîd-19) li Nexweşxaneya Dewletê ya Mêrdînê dibin karantînayê de tê girtin. 

	 

	Li gorî agahiyan, Hevşaredar Nalan berî 20 rojan ji ber nexweşiyên nefestengiyê û berpêyên panîkî rakirine Nexweşxaenya Dewletê ya Tarsûsê û dûre li Girtîgeha Tarsûsê kirine koguşek cuda. Li ser serlêdanên parêzeran, Hevşaredar Nalan berî 3 rojan ji ber nexweşiyên xwe sewqî Girtîgeha Tîpa E ya Mêrdînê tê kirin. 

	 

	Nalan, berî bibin girtîgehê, ji bo kontrola tenduristiyê birin Nexweşxaneya Dewletê ya Mêrdînê û li vê derê kirin koguşa hikûmxaran. Piştî tomografiya Nalin tê girtin, ji ber “gumana herareta zêde” danasîna vîrûsa korona (Kovîd-19) ji wê tê danîn. Ji ber vê rewşê Nalan dixin odeyeke qata 3’yemîn a nexweşxanê û bi vî awayî kirin karantinayê. 

	 

	Derbarê bûyerê de, duh bi şev saet 01:30’an ji malbata Nalan re agahî hat dayîn. Malbat li ser vê yekê çû Şemrexê û ji nexweşxanê derbarê rewşa keça xwe de agahî girt. 

	 

	Parêzera Nalanê, Medya Ateş, diyar kir ku encama testa Nalanê hîna ne diyar e û got: “Kontrolên wê yên tenduristiyê tên kirin. Di çarçovbeya bergiriyan de, evqas kontrol tên kirin.”