
ATO: Li Enqereyê 18 xizmetkarên tenduristiyê bi Vîrusa Korona ketin 

2020-03-30 10:17:18


	&nbsp;

	ENQERE - Odeya Tabîban a Enqereyê, diyar kir ku testa 18 xizmetkarên tenduristiyê ya Vîrusa Korona (Covît 19) pozîtîf derketiye û xwest xizmetkarên tenduristiyê bên parastin û bi rêk û pêk testa wan bê kirin.&nbsp;

	&nbsp;

	Odeya Tabîban a Enqereyê (ATO), li ser medya civakî daxuyanî da û diyar kir ku li Enqereyê 18 &nbsp;xizmetkarên tenduristiyê bi şewba Vîrûsa Korona ya nû (Covid-19) ketine. ATO da zanîn ku li Enqereyê testa 17 xizmetkarên tenduristiyê ya PCR pozitif û yek jî testa bi lez pozîtîf derketiye û bi giştî li ser 18 xizmetkaran şewba Covid-19 hatiye ditin. ATO ji Wezareta Tenduristiyê xwest ku agahiyan zelal û rast bi ceaweriyê re parve bike û civakê rast agahdar bike. ATO xwest ku wezaret agahiyan bi xizmetkarên tenduristiyê re parve bike û xizmetkarên tenduristiyê çiqas xwedî agahiyên rast bin dikarin xwe û civakê biparêzin. ATO'yê xwest hemû xizmetkarên tenduristiye yên têkoşina Pandemiyê didin rast bên agahdarkirin, bên parastin û bi rêk û pêk testa wan bê kirin.

	&nbsp;

	&nbsp;

	&nbsp;