
Agirê Newrozê li seranserî Kurdistanê geş bibe  

2020-03-21 09:54:56


	&nbsp;

	Ferîda Zada

	&nbsp;

	ŞEHBA - Jinên Efrînê yên ku tevlî şahiya Newrozê bûne axivîn û gotin: "Em ji ber vîrûsa Korona yê nikarin cejina xwe pîroz bikin, lê em di rih de newrozê xwe dijîn."

	&nbsp;

	Ji ber vîrûsa Korona şahiya cejina Newrozê hatin betal kirin, lê Gelê Kurd li ber deriyên malên xwe û bi komên biçûk agirê Newrozê geş kirin û Newroz li Rêberê PKK'ê Abdullah Ocalan û pakrewanên azadiyê pîroz kirin. Li Şehbayê şêniyên Efrîn û Şehbayê agirê Newrozê pêxistin û bi coşek mezin xêrhatina Newrozê kirin. Bi boneya cejina Newrozê Meclîsa navçeya Til Rifetê qada şehîdan li cihê komkujiya Til Rifetê navên şehîdên komkujiyê hatin nivîsandin û tîmsalek zarokek kew di destê wî de hat çêkirin. Di derbarê cejina Newrozê jinên Efrînê hêstên xwe parvekirin.

	&nbsp;

	'Newroz li Rêber Apo û pakrewanan pîroz be'

	&nbsp;

	Newroz Xelîl cejina Newrozê Gelê Kurd pîroz kir û wiha domand: "Em cejina Newrozê di serî de Rêber Apo û pakrewanên azadiyê pîroz dikin. Em ji Efrînê koçber bûn, dewleta tirk li Til Rifetê komkujî pêk anî û zarokên bê sûc hatin qetîlkirin. Bi boneya Newrozê em hatin Til Rifetê û em zarokên xwe bibîr tînin û didin jiyan kirin. Em ji ber vîrûsa Korona yê nikarin cejina xwe pîroz bikin, lê em di rih de newrozê xwe dijîn."

	&nbsp;

	‘Ji bo parastina gel şahiya Newrozê hat îptal kirin'î

	&nbsp;

	Emîne Mûsa jî şehîdên komkujiya Til Rifetê bi bîr anî û wiha pê de çû: "Em hemû şehîdan û pakrewanên komkujiya Til Rifetê bi bîr tînin. Newroz di dilê her kurdekî de ye, me ji bo parastina gelê xwe şahiya Newrozê îptal kir. Em ê bi rihê Newrozê vegerin Efrînê, agirê Newrozê bi rihê berxwedaniyê li seranserî Kurdistanê em ê geş bikin.”

	Şahî bi gerandina govendê bi dawî bû.

	&nbsp;