Parêzer ji bo biçin Îmraliyê serlêdan kirin 

2020-03-17 12:22:05


	 

	STENBOL - Parêzerên Rêberê PKK’ê Abdullah Ocalan ji bo hevdîtinê bi miwekîlê xwe re bikin, serî li Serdozgeriya Komarê ya Bûrsayê dan.

	 

	Ji parêzerên Rêberê PKK’ê Abdullah Ocalan, Raziye Tûrgût, Rezan Sarica, Serbay Koklu û Îbrahîm Bîlmez, ji bo ku bi miwekîlê xwe re hevdîtinê pêk bînin serî li Serdozgeriya Komarê ya Bûrsayê dan. 

	 

	Parêzerên Ocalan Newroz Ûysal û Rêzan Sarica, piştî 8 salan di 2'ê Gulan, 22'ê Gulan, 12'ê Hezîran, 18'ê Hezîran û 7'ê Tebaxa 2019'an de çûbûn Îmraliyê  bi Ocalan re hevdîtin kiribûn. Parêzer ji 7'ê Tebaxa 2019'an heta niha her hefte serî li dozgeriyê didin, lê heta niha hemû serlêdanên wan bê bersiv hatin hiştin.