
Girtina îfadeya parêzeran dest pê kir 

2020-03-16 11:53:09


	&nbsp;

	RIHA - Li Rihayê, îfadegirtina bi dehan kesên ku parêzer jî di nava wan de hene hatibûn binçavkirin, dest pê kir.&nbsp;

	&nbsp;

	Roja pênçşemê ya hefteya borî, di çarçoveya lêpirsîna ku ji aliyê Serdozgeriya Komarê ya Rihayê ve hatibû destpêkirin de ji Baroya Rihayê 7, ji Baroya Amed 2 û ji Baroya Şirnexê jî parêzerekî di nav de bi dehan kes hatibûn binçavkirin. Parêzer jî di nav de îfadegirtina kesên hatibûn binçavkirin dest pê kir.&nbsp;

	&nbsp;

	Hat ragihandin ku kesên ku duh ji bo 4 rojan dema binçavkirina wan hatiye dirêjkirin, di çarçoveya lêpirsîna Serdozgeriya Komarê ya Rihayê ya di sala 2018'an de hatine binçavkirin û di lêpirsînê de navê 103 kesan derbas dibe.

	&nbsp;

	Tê diyarkirin ku sûcdariya dosya ku biryara nepeniyê li ser e "Têkilî danîna di navbera koordînasyona hundir û derve ya Komîteya Zîndanan a PKK/KCK'ê de" ye. Delîla bingehîn a sûcdariyê jî lênûska ku hevdîtina di navbera parêzer û 4 girtiyan de tê de hatiye qeydkirin e.&nbsp;

	&nbsp;

	Hat diyarkirin ku ji parêzeran hevdîtina bi muwekîlên wan re hatiye pirsîn. Hat gotin ku parêzeran jî di parastinên xwe de diyar kirine ku bi muwekîlê re hevdîtinan kirine û weke aliyên parastinê yên darazê nikarin ji hevdîtinan bên sûcdarkirin.&nbsp;

	&nbsp;

	Hat gotin ku piştî bi dawîbûna îfadegirtinê dê dema binçavkirinê cara duyemîn neyê dirêjkirin û ya roja çarşemê ya jî roja pênçşemê derkevin edliyeyê.&nbsp;