
Pêşengeya ‘Jîna’ çandên netewa demokratîk li hev kom kir 

2020-03-06 16:45:11


	&nbsp;

	QAMIŞLO - Bi minasebeta 8’ê Adarê û bi pêşengtiya Tevgera Kevana Zêrîn, pêşengeha ‘Jînda’ a çandên netewa demokratîk, hat pêşkêşkirin.

	&nbsp;

	Bi nêzîkbûna Roja Jinê ya Cîhanê 8’ê Adarê û bi pêşengtiya Tevgera Kevana Zêrîn li bajarê Qamişloyê parka giştî &nbsp;pêşengeha ‘Jînda’ a çandên netewa demokratîk, hat pêşkêşkirin. Di pêşengehê de her netewek bi çanda xwe beşdar bû û sê konên cuda yên çanda ereb, kurd, suriyan û êzidî hatin vedan. Di nava pêşengehê de xemla nexşeya Mezopotamyayê bi rengê netewa demokratîk û hevgirtina gelan dihat dîtin. Di her gavekê de mirov rastî çandeke resen û tişên ku di roja me ya îro de widayîne, dihat. Pêşengeh hezkirina çandê û girêdana gelê herêmê bi vegera tiştên kevnar re, dida diyarkirin û her alaveke kevnar di pêşengehê de wateya xwe ya dîrokî, vedibêje. &nbsp;

	&nbsp;

	Pêşengeh di saetên sibehê de vebû û gel bi girseyî, beşdar bû.&nbsp;

	&nbsp;

	Li ser navê Kongreya Star Endama Koodînasyona Kongreya Star Hediya Şemo axaftina vekirinê kir û wiha got:” Kombûna çandên netewa demokratîk di cihekî wisa de pîroz e. Îro roj xemla 8’ê Adarê dîsa bi renge jin, girêdana wê bi çandê re û parastina wê ji nirxên wê yê kevnar re di vê pêşengehê de tê dîtin. Em kêfxweş dibin dema em îro dibînin ku dîsa jin xwedî li vê çandê derdikeve û diparêze.”

	&nbsp;

	Paşê koma Rojbîn Ereb a bajarokê Tilkoçerê stranên erebî gotin. Her wiha ji çanda paresvanên resen koçerat koma Çyayên Qereçoxê govendeke folklorê kurdî pêşkêş kirin. Paşê koma kevana zêrîn stran ji beşdarvanan re, gotin.&nbsp;

	&nbsp;

	Pêşengeh bi girtina govendê bi dawî bû.&nbsp;

	&nbsp;&nbsp;&nbsp;

	&nbsp;