
Malbat û parêzeran ji bo hevdîtina li Îmraliyê serlêdan kirin 

2020-03-06 16:19:30


	&nbsp;

	STENBOL- Malbata Rêberê PKK’ê Abdullah Ocalan û malbatên girtiyên din ji bo hevdîtinê bi rêya parêzeran serî li Serdozgeriya Komarê ya Bûrsayê dan. Parêzeran jî ji bo hevdîtina Ocalan serî li dozgeriyê da.&nbsp;

	&nbsp;

	Rêberê PKK’ê Abdullah Ocalan 21 sal in li Girtîgeha Tîpa F a Ewlehiya Bilind a Îmraliyê tê ragirtin. Birayê Ocalan, Mehmet Ocalan û wasiyê wî Mazlûm Dînç ji bo dikaribin biçin hevdîtinê serî li Serdozgeriya Komarê ya Bûrsayê dan.&nbsp;

	&nbsp;

	Malbatên her sê girtiyên din ên li gel Ocalan girtî ne jî serî li serdozgeriyê dan. Birayê Omer Hayrî Konar, Alî Konar, birayê Hamîlî Yildirim, Polat Yildirim û xwişka Veysî Aktaş, Melîhe Çetîn bi rêya parêzeran serî li serdozgeriyê dan.&nbsp;

	&nbsp;

	Malbatan piştî 12’ê tebaxa 2019’an herî dawî di 2’ê Adarê de hevdîtin pêk anîbûn. &nbsp;

	&nbsp;

	Li aliyê din ji parêzerên Ocalan, Raziye Tûrgût, Rêzan Sarica, Serbay Koklu û Îbrahîm Bîlmez bi boneya dikaribin bi miwekîlê xwe re hevdîtinê bikin serî li serdozgeriyê dan.&nbsp;

	&nbsp;

	Parêzerên Abdullah Ocalan, Newroz Ûysal û Rêzan Sarica herî dawî di 7’ê tebaxa 2019’an de li gel miwekîlên xwe hevdîtin pêk anîbûn.&nbsp;