Girtiya bi navê Aysel Koç jiyana xwe ji dest da 

2020-03-03 10:53:02


	 

	ENQERE - Girtiya MKP'ê Aysel Koç, li Girtîgeha Sîncanê ya Jinan jiyana xwe ji dest da.

	 

	Li Girtîgeha Sîncanê ya Jinan, girtî Aysel Koç ku ji doza Partiya Komunîst Maoîst (MKP) cezayê "muebeta giran" lê hatibû birîn, jiyana xwe ji dest daye. Girtîgehê, agahiya ku "întîhar kiriye" da malbat û parêzeran. Parêzerê Ayselê jî diyar kir ku dê piştî otopsiyê diyar bibe ku Ayselê întîhar kiriye yan na. Şaxa Komeleya Mafê Mirovan (ÎHD) a Enqereyê, ji bo agahî ji rayedar û malbatê bigire, çû Saziya Tipa Edlî (ATK). Ayselê, di sala 2012'an de li bejahiya Dersimê di encama operasyoneke leşkerî de hatibû girtin û ji wê salê ve ye girtî bû.