
Ciwanên Şehbayê li dijî şewata Îmraliyê daxuyanî dan  

2020-03-01 15:39:25


	&nbsp;

	ŞEHBA - Yekîtiya Ciwanên Şoreşger a Şehbayê ji bo têgihîştina rewşa Rêberê PKK’ê Abdulah Ocalan daxuyaniyek dan.

	&nbsp;

	Piştî bihîstina agahiyên derbarê şewata Îmraliyê de, li seranserî Rojava gel daketin qadan û daxwaza naskirina Rewşa Rêberê PKK’ê Abdulah Ocalan kirin. Yekîtiya Ciwanên Şehbayê piştî bihîstina agahiyek li ser rewşa Reberê PKK'ê Abdullah Ocalan &nbsp;daxuyaniyek li Navçeya Ehrezê ya Şehbayê bi beşdarbûna Endamên Tevgera Ciwanên şoreşger a Şehbayê û Ciwanên Ereb ên navşeya Ehrezê da. Di daxuyaniyê de al û wêneyên Rêberê PKK'ê Abdullah Ocalan hatin hildan. Daxuyanî ji aliyê Endama Tevgera Jinên Ciwan a Şehbayê Elai Mislim ve hat xwendin.&nbsp;

	&nbsp;

	Daxuyanî wiha ye:

	&nbsp;

	"Şewata ku li Girava Îmraliyê derket yek ji komployên ku dixwazin gelê azadîxwaz bêndeng bikin ku meşa azadiyê raweste û berjewendiyên dewleta tirk û hevalbendên wê, pêk bên. Ji xeteriya li ser tendirustiya Rêber Apo dewleta tirk û netewên yekbûyî berpirsiyar in. Pêwîste sazî, rêxistin û dewletên ku qala mafên mirovan dikin, ji bo naskirina rewşa Rêber Ocalan bikevin tevgerê û erka xwe ya exlaqî pêk bînin. Felsefeya Rêber Apo xeta xilaskirina gelê bindest e, heta ku em agahiyek ji Rêber &nbsp;Apo negirin em ê her li qadan û di nava çalakiyan de bim.

	&nbsp;

	Em bang li desthilatdariya faşîst ya AKP-MHP'ê dikin ku demildest parêzer û malbat biçin girava Îmraliyê û rewşa Rêber Apo di cih de fêr bibin.

	&nbsp;

	Daxuyanî bi dirûşmên "Bijî berxwedana Îmraliyê" û "Bê Serok jiyan nabe" bi dawî bû.

	&nbsp;