DAKAP'ê bernameya xwe ya 8'ê Adarê bi daxuyaniyekê aşkera kir  

2020-03-01 15:30:28


	 

	AMED - Jinan di pêşengiya Platforma Jinan a Dicle Amed (DAKAP) de li semta Ofîsê bi dirûşmeya "Jin Jiyan Azadî" bernameya 8'ê Adarê aşkere kir. Rêvebera Odeya Mîmaran a Amedê Kiymet Yildiz diyar kir ku dê di 8’ê Adarê de li qadan bin û got: "Em dizanin ku rêya jiyaneke azad û wekhev encex bi berxwedana jinê pêkan e." 

	 

	Jinan di pêşengiya Platforma Jinan a Dîcle Amedê (DAKAP) de li semta ofîsê ya navçeya Yenişehîr a Amedê kom bûn û bernameya 8'ê Adarê aşkere kirin. Jin bi dirûşmeya 'Jin Jiyan Azadî" kom bûn û ji bo bernameya 8'ê Adarê Roja Jinan a Cîhanê aşkere bikin daxuyanî dan. Nûnerên Komeleya Jinan a Rosa, Tevgera Jinên Azad (TJA), Meclîsa Jinan a HDP'ê beşdarî daxuyaniyê bûn. Ewil li ser navê Platformê Arîn Zimrût bal kişand ser starta 8’ê Adarê ya ku ji bo Gulîstan Doku li Dersîmê dest pê kirin û xwest Gulistan Doku bê dîtin. Piştre Rêvebera Odeya Mîmaran a Amedê Kiymet Yildiz daxuyanî xwend. Yildiz, qala ked û berxwedana jinan a dîrokî kir û got: “Li dijî pergala kapîtalîst a baviksalariyê, bi hêza ku em ji dîroka jinên berxwedêr distînin, em ê ji bo 8’ê Adarê li qadan bin. Em dizanin ku rêya jiyaneke azad û wekhev encex bi berxwedana jinê dê pêkan e." 

	 

	Kiymet, bal kişand ser hişmediya mêrê serdest a jinê di her qadê de difetisînê û wiha domand: "Di şexsê Gulîstan Doku de hemû jin hatin windakirin. Jin bi destê mêr tên qetilkirin. Lê wekî întahar an jî mirina bi gûman tê nîşandan. Em ê şopdarên dosyayên wan  bin. Em ê li dijî kiryarên dijî mirovahiyê bisekinin û berxwedana jinê bilind bikin.”

	 

	Kiymet Yildiz di dawiya axaftina xwe de bangewaziya tevlîbûna 8’ê Adarê kir û bernameya Platforma Jinan a Dîcle Amedê aşkere kir. 

	 

	Bernameya 8'ê Adarê wiha ye: 

	 

	* "Dê 1’ê Adarê saet di 12:00’an de li deriyê  Pira Ofîsê  starta 8’ê Adarê bê dayîn.

	 

	* Dê 1’ê Adarê saet di 14:00'an de ji bo zarokên ku dayîkên wan di girtîgehê de li Odeya Endezyar a Makîneyê dê kargeha pêlîstokan bê vekirin, 

	 

	* Dê 1’ê Adarê saet di 13:00’an de ji bo nivîskarên jin ê  li girtîgehan roja îmzayê were kirin.

	*Dê 4’ê Adarê saet di 12.30’an de ji bo li dijî polîtîkayên zayendî wê li ber avahiya Aîle ve Sosyal polîtîkalar daxuyaniyek ji çapemeniyê re were dayîn,

	 

	*Dê 5’ê Adarê saet di 12.00-19:00’an de li Derê Çiyê Galeriyayê pêşengeha wêneyên bê vekirin,

	 

	*Dê 5’ê Adarê saet di 19:00’ande li Şanoya Bajar a Amedê şahiya şanoyê bê lidarxistin,

	 

	*Dê 7’ê Adarê şahiya tûra duçerxan bê lidarxistin,

	 

	* 8’ê Adarê Fînal, Mîtîng."