
Şêniyên Hesekê û Dêrîkê daketin qadan 

2020-02-28 18:43:57


	&nbsp;

	HESEKÊ/QAMIŞLO - Piştî bihîstina agahiyên derbarê şewata daristana li Girava Îmraliyê gel daketin qadan û dest bi çalakiyan kirin.&nbsp;

	&nbsp;

	Li seranserî Bakur û Rojhilatê Sûriyeyê, piştî bihîstina agahiyên derbarê şewata daristana li Girava Îmraliyê gel daketin qadan û dest bi çalakiyên meş, daxuyanî û grevan kirin. Îro jî şêniyên Hesekê û bajarê Dêrîkê ya girêdayî Kantona Qamişloyê daketin qadan û meşek girseyî li dar xistin.&nbsp;

	&nbsp;

	Bi pêşengtiya Hêza Parastina Cewherî gelê Hesekê daketin qadan

	&nbsp;

	Bi pêşengtiya Hêza Parastina Cewherî bi hezaran şêniyên bajarê Hesekê &nbsp;li dijî şewitandina daristana li Girava Îmraliyê daketin qadan û nerazîbûnên xwe nîşan dan.

	Duh şewat li daristana li Girava Imraliyê rû da. Îro bi pêşengtiya Hêza Parastina Cewherî şêniyên bajarê Hesekê daketin qadan û banga keşifkirina rewşa tenduristî yê Rêberê PKK'ê Abdullah Ocalan kirin. Meş li ber Konê çalakiyan li taxa Kelasê dest pê kir. Meşvanan wêneyên Rêberê PKK'ê Abdullah Ocalan, alên Kongreya Star û Hêza parastina cewherî û pankartên bi nivîsa "Pêwist e parêzerên Ocalan bi lez berê xwe bidin Imraliyê" û "Bê serok Jiyan nabe" hilgirtibûn.

	&nbsp;

	‘Dewleta tirk berpirsê her xeteriyek li ser tendurstiya Ocalan e'

	&nbsp;

	Meş li ber Navenda Şaredariya Kantona Hesekê li taxa Kelasê veguherî mitîngê, piştî deqeyek rêzgirtin Hevserokê Hêza Parastina Cewherî Liqman Edhem û Endama Kordînasyona Rojava Remziya Mihemed axivîn.

	&nbsp;

	Di axaftinan de wiha hate gotin:

	&nbsp;

	"Di şewitandina daristana Imraliyê de dewleta tirk dixwaze me ji Rêberê me qut bike, lê bila baş bizanibe ku em tu carî teslîm nabin û herdem silogana me berxwedan e. Dewleta tirk ji sala 1999’an de di şexsê Rêber Apo de siyasetên xwe yên tunekirinê û koletiyê li ser gelê herêmê pêk tîne, bûyera şewata daristana Imraliyê nûbûna komploya 1999’an e, lê dewleta tirk berpirsa her xeteriyek li ser tenduristiya Rêber Apo ye . Em saziyên mafên mirovan sûcdar dibînin ku li hember kiryarên ku li ser Rêber Apo û gelên Bakûrû Rojhilatê Sûriyeyê tê meşandin bêdeng dimînin, ka mafê mirovan? Em ê şev û roj çalakiyan li dar bixin heya ku em rewşa Rêberê xwe nas bikin."

	&nbsp;

	Meş bi dirûşma "Bê Serok jiyan nabe" bi dawî bû.

	&nbsp;

	Şêniyên Dêrikê daketin qadan

	&nbsp;

	Şêniyên bajarê Dêrîkê li dijî şewata li girava Îmraliyê û naskirina rewşa Rêberê PKK'ê Abdullah Ocalan herîkîn qadan.

	&nbsp;

	Piştî bihîstina agahiyên derbarê şewata daristana li Girava Îmraliyê, şêniyên bajarê Dêrîkê yê girêdayî Kantona Qamişloyê daketin qadan û meşek girseyî li dar xistin. Meş ji navenda ciwanên şoreşger dest pê kir heta ber naveda PYD'ê dewam kir. Di meşê de wêneyên Rêberê PKK'ê Abdullah Ocalan hatibû hildan.&nbsp;

	&nbsp;

	Piştî meşê bi deqeyek rêzgirtin, daxuyaniyek hat dayîn. Daxuyanî ji aliyê Endama saziya oldaran Ehmed Subhî ve hat xwendin.&nbsp;

	&nbsp;

	Daxuyanî wiha ye: 

	&nbsp;

	&nbsp;"Em wek Kongreya Civaka Îslamiya Demokratîk a Bakur û Rojhilatê Sûriyeyê, dewleta tirk û serokê wê Erdogan şermezar dikin. Piştî ku me agirê li daristana Îmraliyê nêzî cihê Rêber Apo tê de ye bihîst, hêrsa me li tevahî gundewar û bajarên Bakûr û Rojhilatê Sûriyeyê belav bû. Em dixwazin malbat û parêzerên Rêber Apo biçin Girava Îmraliyê û agahiyekê bibihîsin.&nbsp;

	&nbsp;

	Em wek Gelê Kurd şewata daristana li Girava Îmraliyê ku ji aliyê dewleta tirk a dagirker ve pêk hatî şermezar dikin. Em bang li tevahî cîhanê û hemû dewletên navneteweyî dikin da ku hesab ji Erdogan were pirsîn. Erdogan li pêşiya dadgehên navneteweyî li ser van komkujî û sucên nemirovahî were darizandin. Bila Erdogan bizanibe li hember hovitiya wî, gelê Rojava û Bakur û Rojhilatê Sûriyê yek dest in. Em ê bi tevahî pêkhateyên xwe parastina axa xwe bikin û serkeftin ya me be."

	&nbsp;

	Çalakî bi dirûşma "Bijî berxwedana Îmraliyê" bi dawî bû.

	&nbsp;&nbsp; &nbsp; &nbsp; &nbsp;

	&nbsp;