
Li dijî êrîşên dewleta tirk li Şêrewayê daxuyanî hat dayîn  

2020-02-25 16:19:11


	&nbsp;

	ŞEHBA - Duh dewleta tirk gundewar û navçeya Şêrewa ya Efrînê topebaran kir û di encamê de sivîlan jiyana xwe ji dest dan û birîndar bûn. Ji bo şermezarkirina êrîşên dewleta tirk Meclîsa Navçeya Şêrewayê daxuyaniyek da.&nbsp;

	&nbsp;

	Duh dewleta tirk gundewar û navçeya Şêrewayê topebaran kir û di encamê de jina bi navê Emûna Mensûr Amer a 40 salî jiyana xwe ji dest da û welatiyê bi navê Bekrî Ehmed ê 35 salî birîndar bû. Ji bo şeremezarkirina êrîşên dewleta tirk ên li ser gundewar û navçeya Şêrewayê Meclîsa Navçeya Şêrewa daxuyaniyek li Kampa Serdemê da. Di daxuyaniyê de şêniyên Kampa Veger, sazî û dezgehên civaka sivîl amade bûn. Daxuyanî ji aliyê Hevseroka Meclîsa navçeya Şêrewa Evîn Oso ve hat xwendin.

	&nbsp;

	Daxuyanî wiha ye: "Ji destpêka dagirkeriya dewleta tirk û çeteyên wê li ser Kantona Efrînê ku dest bi dizî, qetîlkirina sivîlan, revandin, jêkirina daran, destdayina ser mal û milkên gel û xêrakirina cihên dirokî, heta roja îro jî dewam dike. &nbsp;

	&nbsp;

	Her roj gundewar, navçeya Şêrewa û herêma Şehbayê ji aliyê dewleta tirk ve tê topebarankirin. Em weke gelê Efrînê li hember van topebaranên ku her roj tên kirin şeremezar dikin.&nbsp;

	&nbsp;

	Weke Meclîsa Navçeya Şêrewayê em bang li mafê mirovan û dewletên ku bêdengiya xwe diparêzin dikin ku li hember vê dagirkeriya dewleta tirk rabin ser piyan û rolên xwe yên mirovî, exlaqî û wicdanî li dijî van êrîşan nîşan bidin."

	&nbsp;

	Daxuyanî bi berzkirina dirûşman bi dawî bû.

	&nbsp;