
'Em mîhrîcana xwe diyarî berxwedana gelê xwe dikin'

2020-01-25 16:11:31


	&nbsp;

	Hesna Muhamad

	&nbsp;

	ŞEHBA - 4’emîn Mîhrîcana Mîtan li Rojavayê Kurdistanê wê bê &nbsp;lidarxistin, bi vê armancê Tevgera Kevana Zêrîn ya Herêma Şehbayê karnevalek ji bo destpêkirina mîhrîcanê li dar xist.

	&nbsp;

	Li Herêma Şehbayê ji bo lidarxistina Mihrîcana Mîtan, Tevgera Kevana Zêrîn karnevalek li kampên Serdem û Berxwedanê li dar xistin. Di karnevalê de endamên tevgera çandê bi cil û bergên xwe yên kurdî tevlî karnevalê bûn. Ev karneval bi armanca lidarxistina Mîhrîcana Mîtan a ku wê di 26'ê Çileyê de bê çêkirin, pêk hat. Mihrîcan heta 5'ê Sibatê wê bidome. Têkildarî lidarxistina Mihrîcanê endam û rêveberên Tevgera Çand û Hunerê, li ser amadekariyên Mîhrîhanê ji me re axivîn. &nbsp; &nbsp;&nbsp;

	&nbsp;

	'Em mîhrîcana xwe diyarî berxwedana gelê xwe dikin'

	&nbsp;

	Endama Komîteya Amadekar a Mîhrîcana Mîtan Rûmet Beko li ser amadekariyên Mîhrîcanê wiha got: "Mîhrîcana Mîtan wê sibe bê li dar xistin. &nbsp;Ev Mîhrîcan &nbsp;wê &nbsp;12 rojan bi hemû cureyên xwe yên hûnerî &nbsp;bidome. Hemû dibistanên şanoyê li herêmê û derve ew ê beşdarî Mîhrîcanê bibin. Hin grûpên Tevgera Çand û Hûnerê yên &nbsp;Herêma &nbsp;Cizîr, Kobanê û Helebê wê bi şanoyên xwe tevlî bibin. Em mîhrîcana xwe diyarî berxwedana gelê xwe dikin."

	&nbsp;

	'Em ê Mîtana 5’emîn li Efrînê li dar bixin'

	&nbsp;

	Endama Tevgera Çand û Hunerê ya Efrînê, Newroz Silêman di derbarê karnevala &nbsp;Mîhrîcana Mîtan axivî û wiha dibêjê: "Karnevala Mîhrîcana Mîtan ya 4’emîn bi tevlîbûna endamên Tevgera Çand û Hûnerê, Kevana Zêrîn û Desteya Çandê ya Herêma Efrînê bi cil û bergên fiklorî, pêk tê. Li Efrînê 3 caran Mîhrîcana Mîtan hat li dar xistin. Piştî du salan ji koçberiyê, &nbsp;4’emîn Mîhrîcan li Şehbayê &nbsp;wê bê li dar dixin. Di nav Mîtanê de çîroka Derwêşê Evdî û Edûlê, her wiha gelek çîrokên din, wê werin pêşkêşkirin. Em ê Mîtana 5’emîn li Efrînê li dar bixin."

	&nbsp;

	'Li hember pêşkêşkirina çanda me koçberkirin nabe asteng '&nbsp;

	&nbsp;

	Endama beşa şanoyê ya di mîhrîcanê de, &nbsp;Sema Osman wiha anî ziman: "Me her sal li Efrînê Mîhrîcana Mîtan çêdikir. &nbsp;Em ê îsal jî li Şehbayê çêbikin. Em nahêlin koçberkirin bibe asteng li hember pêşkêşkirina çanda me. Vexwendina amadebûna mîhrîcanê ji tevahî şêniyan re çûye. Em bi hêvîna em xebatekî xweş û serkeftî derbas bikin."&nbsp;

	&nbsp;