
Civîna salane ya Meclîsa Kantona Şehbayê hat lidarxistin 

2019-12-31 17:04:39


	&nbsp;

	ŞEHBA - Bi dirûşma "Bi rihê berxwedana rûmetê û serdemê em ê dagirkeriya dewleta tirk têk bibin" Meclîsa kantona Şehbayê civîna xwe ya salane li hola Çand û Hunerê ya navçeya Fafînê ya Şehbayê li dar xist.

	&nbsp;

	Meclîsa kantona Şehbayê bi dirûşma "Bi rihê berxwedana rûmetê û serdemê em ê dagirkeriya dewleta tirk têk bibin" civîna salane li hola Çand û huner ya navçeya Fafînê li dar xistin. Hol bi wêneyên Rêberê PKK’ê Abdullah Ocalan û pakrewanên azadiyê, alên QSD’ê û pankartên bi nivîsa "Şoreşa Kurdistanê bingeha şoreşa Rojhilata Navîn e" hatibû xemilandin.

	&nbsp;

	Civîn bi deqeyek rizgirtin ji bo cangoriyên azadiyê dest pê kir. Paşê li ser navê Koordinasyona Kongreya Star ya Efrînê Hediye Yusif axivî û got: "Di pêvajoya heyî de dijminê herî mezin jê dewleta tirk e. Rêveberiya Xweser li Bakur û Rojhilata Sûrîyeyê her dem ji aştî azadî û aramiyê li berxwe daye. Li dijî dijmin em serî natewînin."

	&nbsp;

	Paşê rapora kar û xebat ji aliyê Hevcigirê Meclîsa Kantona Şehbayê Mehmûd Hac Îsa ve hat xwendin, di nav de karê salekê ya rewşa siyasî, rewşa rexistinî, rewşa gel û plansazî hat nirxandin.

	&nbsp;

	Civîn bi pêşniyar û biryaran bi dawî bû.&nbsp;

	&nbsp;