
Li Sêrtê gelek kes kirin bin çavan 

2019-12-25 13:48:20


	&nbsp;

	SÊRT - Duh eskeran bi ser mezraya Umyanis a navçeya Perweriyê ve girt. Dayik û bavê Hasan Înal ê li Şirnexê di bin hezazê de maye jî di nav de 19 kes hatin binçavkirin.&nbsp;

	&nbsp;

	Li mezraya Umyanis a girêdayî gundê Dogan ê navçeya Perweriya Sêrtê duh eskeran bi ser malan de girt. Eskeran li malan lêgerîn pêk anî û piştî lêgerînê bi angaştên “Propaganda rêxistinê kirine” û “Kesan tevlî rêxistinê dikin” Ahmet Tunç ê 70 salî ku nexweşê penceşêrê jî di nav de 19 kes binçav kir. Hat zanîn ku piştî hevdîtinên li gel dozger Tunç hatiye berdan.&nbsp;

	&nbsp;

	Navê hin kesên binçavkirî nehat zanîn. Dayik Hasan Înal ê li Şirnexê di bin hezaza kana komirê de maye Sarya Înal û birayê wî Mîrza Înal jî hatine binçavkirin. Hat zanîn ku ji bo Sarya û Metîn Înal bên berdan dê parêzer bi dozgeriyê re hevdîtinê pêk bînin.

	&nbsp;

	Ji 18 kesî 3 zarok in

	&nbsp;

	Hat gotin hema bêje nîvê şêniyên mezrayê hatine binçavkirin û zarok û sewalên wan bêxwedî mane.&nbsp;

	&nbsp;

	Navê hin binçavkiriyan wiha ye: Ahmet Batibey (15), Leyla Batibey (zarok) û Diyar Tunç (zarok), Hazal Kulter, Kasim Kulter, Sadik Tekne, Zeynep Tekne, &nbsp;Mustafa Kapar, Emîne Kapar, Salîh Tunç, Sadik Kaplan, Serhat Kapar, Kadriye Kapar.&nbsp;

	&nbsp;

	'Zarok tenê man'

	&nbsp;

	Sadik Kulter da zanîn ku dayik û bavê wî hatine binçavkirin û nîvê gund hatine binçavkirin. Sadik diyar kir ku zarok, welatiyên astengdar û sewal bêxwedî mane. Kulter got gundiyên wan bi sedemên neheq hatine binçavkirin û malbata wî û gundî hemû werin berdan.&nbsp;