
'Ziman hebûna mirovan e'

2019-12-25 11:45:36


	&nbsp;

	HELEB - Dibistanên Helebê dest bi ezmûna nîvê salê kirin. Xwendekarên seretayî, navîn û amadekariyê tevlî ezmûnê bûn.

	&nbsp;

	Li Helebê ber &nbsp;bi dawîbûna nîvê salê xwendekaran dest bi ezmûnan kirin. Xwendekarên seretayî, navîn û amadekariyê tevlî ezmûnê bûn. Dê ezmûn heta hefteyekê bidome. Piştî bidawîbûna ezmûnan dê karne li xwendekaran were belavkirin û betlanaya 15 rojan, dê dest pê bike. Ajansa me serdana dibistana şehîd Qehreman Efrîn kir û ezmûna xwendekaran şopand û nêrîna Rêveberiya dibistana Şehîd Qehreman Efrîn, Heyfe Hesen girt.

	&nbsp;

	'Xwendekar bi dilxweşî tên ezmûnan'&nbsp;

	&nbsp;

	Heyfeyê bal kişand ser ezmûna xwendekaran û wiha domand: "Em weke dibistana kurdî, me dest bi ezmûna yekemîn kir. Xwendekar bi dilxweşiyekê tên ezmûnan. Pirsên ku di ezmûnan de tên pirsîn, li gor waneyên ku hatine dayin tên pirsîn."

	&nbsp;

	'Ziman hebûna mirovan e'

	&nbsp;

	Heyfeyê diyar kir ku ew xwediyê ziman û çandek kevnar in divê xwedî lê derkevin û wiha pê de çû: "Em bi hêvî ne kurdên ku li hemû cîhanê dijîn zarokên xwe li dibistanên kurdî perwerde bikin. Em kurd in xwedî ziman û çandeke kevnar in, divê em xwedî derkevin. Mirov bi zimanê xwe tê nasîn, ziman hebûna mirovan e. Em ê weke mamosteyên KPC-Demokratîk, bi zanebûna çanda xwe zarokan mezin bikin."

	&nbsp;