
Pirsa mîtingên bi destûra walîtiyê hat lidarxistin, ji Fîlîz Bûlûttekîn hat pirsîn 

2019-12-24 11:15:56


	&nbsp;

	
		AMED - Hevşaredara Sûrê Fîlîz Buluttekîn a qeyûm tayînî şûna wê hat kirin duh bi angaşta “Endamtiya rêxistinê” hat girtin. Ji emniyetê bigire heta dadger, beşdariya Buluttekîn a çalakiyên partiya wê HDP li dar xistine jê hatiye pirsîn û jê pirsîne “Tu li ser fermana kê û bi çi armancê beşdarî çalakî û şahiyên HDP’ê bûyî?”&nbsp;
	
		&nbsp;
	
		&nbsp;Li Amedê di 20’ê kanûnê de Hevşaredarên Sûrê Fîlîz Buluttekîn û Cemal Ozdemîr, endamê Meclîsa Şaredariyê Yilmaz Eken hatin binçavkirin. Piştî lêpirsîna li Emniyeta Amedê duh wan birin Dadgeha Amedê û &nbsp;Fîlîz û Cemal bi angaşta “Endamên rêxistinê ne” hatin girtin, Eken jî bi tedbîra kontrola edlî hat berdan.&nbsp;
	
		&nbsp;
	
		Serdozgeriya Komarê ya Amedê bi angaşta ku Buluttekîn “Endama rêxistinê ye” lêpirsîn derbarê wê de da destpêkirin û ji wezîfeyê hat girtin û qeyûm tayînî şûna wê hat kirin. Di girteka lêpirsîna emniyetê de 51 pirs jê hatine kirin û 46 pirs ji malperên nûçeyan û çalakiyên partiya wê li dar xistiye pêk tên. Balkêş e 3 çalakiyên HDP’ê yên li ser destûra Walîtiya Amedê li dar xistiye û ku Fîlîzê beşdar bûye wek pirsa “armanca beşdariya te û tu li ser fermana kê beşdar buyî” jê hatiye kirin.&nbsp;
	
		&nbsp;
	
		Di girtekê darizandinê de nehatiye diyarkirin ku biryara girtina Fîlîzê kengê hatiye dayîn, lê roja 20 kanûnê ji saet 05.30 heta saet 15.00’an li mal, wesayîta wê û odeya meqamê wê ya Şaredariyê lêgerîn hatiye kirin.&nbsp;
	
		&nbsp;&nbsp;
	
		Di girteka darizandinê de li Miduriyeta Şaxa TEM’ê ya Amedê di hizûra Serdozgerê Komarê de di 21’ê îlona 2018’an de şahidê nepen “Firar” îfade daye û gotiye: “Di nava TJA’yê de xebat birêve dibe. Van xebatan bêtir li ser partiya siyasî birêve dibe. Niha Hevseroka HDP’a Amedê ye. Ji bo ku seroka bajêr e, amadekariya çalakî û şahiyên tevgera jinan ji çapemeniyê re radigihîne. Kesayetên di nava kadroya KCK’ê de xebat birêve dibin ferman didinê û fermana wan bicih tîne.” Derket holê ku van beyanên şahidên nepen piştî salek û 3 meh şûn ve ji Buluttekîn pirs dikin.
	
		&nbsp;
	
		Fîlîzê beyanên şahidê nepen qebûl nekir û destnîşan kir ku ev hêncetên sexte ne û ew aktîvîstek jin e û li ser navê navenda giştî ya partiya xwe HDP’ê ew xebitiye.&nbsp;
	
		&nbsp;&nbsp;
	
		Ji Fîlîzê pirsa tevlî bûna wê ya mitînga HDP’ê ya di 19’ê çileya 2019’an de li dar xistiye, mitînga 1’ê Îlonê Roja Aştiyê ya Cîhanê û pîrozbahiya Newroza 21’ê Adarê jê hatiye kirin û li ser fermana kê beşdarî van şahiyan bûye jê hatiye pirsîn.&nbsp;
	
		&nbsp;&nbsp;
	
		Gelek axaftinên Fîlîzê yên di pêvajoya hilbijartina xwecihî ku li gelek deveran kiriye û rexne û berteka li dijî qeyûm jê hatiye pirsîn.&nbsp;
	
		&nbsp;&nbsp;
	
		Çalakî û şahiyên di navbera 2017, 2018 û 2019’an de yên wek “Vekirina buroyên hilbijartinê yên HDP’ê, beşdariya sersaxiya Zulkuf Gezen ê ku tecrîdkirina Rêberê PKK’ê Abdullah Ocalan şermezar kir û dawî li jiyana xwe anî, daxuyaniyên greva birçîbûnê ya ji aliyê Hevseroka KCD’ê Leyla Guven ve hat destpêkirin, mitînga HDP’ê ya ‘Hevdîtina Ciwanan û Gel’, meşa 25’ê Mijdarê Roja Têkoşîna Navneteweyî ya li Dijî Tundiya Ser Jinan, Komxebata Zimanê Kurdî, bîranîna Serokê Kürt Dil Çalıştayı, bîranîna Serokê HEP’ê ya Amedê Vedat Aydin ê ji aliyê JÎTEM’ê ve hat qetilkirin, merasîma cenazeyan, daxuyaniya 1’ê Mijdarê Roja Kobanê ya Cîhanê, Kongreya 5’emîn a DBP’a Amedê, danasîna namzetên hevşaredarên jin ên HDP’ê, Konferansa Jinan, beşdariya şahî û çalakiyên bi tevlîbûna Hevserokên Giştî yên HDP’ê Sezaî Temellî û Pervîn Buldan pêk hatine” pêk hatine wek sûc arasteyî Fîlîzê hatine kirin.&nbsp;
	
		&nbsp;&nbsp;
	
		Parêzerê Fîlîzê, Sertaç Buluttekîn diyar kir ku tevî biryara nepen li ser dosyeya miwekîla wî bûye jî agahiyên derbarê dosyeyê de bi çapemeniyê re hatiye parvekirin û xwestine bi parvekirina van agahiyan di nava raya giştî de têgihînek cuda çê bikin. Buluttekîn da zanîn ku xebatên miwekîla wî kiriye hemû xebatên partiya siyasî ne û ji 50 pirsên derbarê miwekîla wî de hatine amadekirin 45 pirs têkildarî xebatên wê yên siyasî bûne. Buluttekîn anî ziman ku beyanên şahidê nepen bi navê “Firar” hemû bê bingeh in û xebatên miwekîla wî kirine li gorî qanûnên destûra bingehîn yek jî nabin sûc.&nbsp;
	
		&nbsp;
	
		Dadger rewşa delîltiya heyî, beyana şahidê nepen, pirtûkên qedexekirî yên li malê hatine desteserkirin, beşdariya merasîmên cenaze kir hêncet û bi angaşta Fîlîzê “Endama rêxistinê ye” da girtin û şand Girtîgeha Tîpa T a Amedê.&nbsp;


	&nbsp;