
Kesên xwestin daxuyaniyê bidin hatin astengkirin 

2019-12-23 16:38:01


	&nbsp;

	AMED - Rêveberên HDP’ê û DBP’ê xwestin girtina Hevşaredarên Sûrê Fîlîz Buluttekîn û Cemal Ozdemîr şermezar bikin. Polîsan daxuyaniyê asteng kir û mertal danîn pêşiya rojnamegeran û şopandina çalakiyê asteng kirin.

	&nbsp;

	Rêveberên HDP’ê û DBP’ê girtina hevşaredarên Sûrê Fîlîz Buluttekîn û Cemal Ozdemîr li ber Dadgeha Amedê şermezar kirin. Hevseroka Giştî ya DBP’ê Salîha Aydenîz, Hevserokê Rêxistina HDP’a Amedê Zeyat Ceylan, endamên Meclîsa Şaredariya Sûrê û rêveberên HDP’ê li ber dadgeha Amedê darizandina Filiz Buluttekîn û Cemal Ozdemîr şopandin û xwestin li ber dadgehê daxuyanî bidin çapemeniyê.&nbsp;

	&nbsp;&nbsp;

	Polîsan bi hênceta biryara Walîtiya Amedê ya qedexekirina çalakiyan daxuyaniyê asteng kir. Tevî dorpêçkirina polîsan jî girseyê bi çepik û lîlandinê dorpêçê şermezar kir. Di vê navberê de polîsan bi mertalên xwe rojnamegerên daxuyanî dişopandin asteng kir û wan dafdan û ji cihê daxuyaniyê dûr kir. Di vê navberê de mîkrofona hin rojnamegeran di nava dorpêça polîsan de di destê HDP’iyan de ma.&nbsp;

	&nbsp;

	Hevseroka DBP’ê Salîha Aydenîz di nava dorpêça polîsan da daxuyanî da. Bi saya mîkrofonên di destê HDP’iyan de mabûn dengê daxuyaniyê gihîşt cem rojnamegeran. Polîsan mertalên xwe bilind kir û kêşandina dîmen û wêneyan jî asteng kir.&nbsp;

	&nbsp;

	Saliha bertek nîşanî biryara qedexeyê ya Walîtiyê da û got: “Em bûn şahidê bêhiqûqiyek din jî. Ev çend roj in hevşaredarên me Fîlîz û Cemal di binçavan de bûn. Çek xistin serê wan û wan binçav kirin. Çek xistin serê kurê Fîlîz yê 10 salî jî. Li vî welatî em dibînin ku hiqûq û edaletê çawa binpê dikin a niha li vir diqewime jî nîşaneya vê yekê ye. Girtina hevşaredarên me bi hêncetên bêbingeh pêk tê. Lê em ê têkoşîna xwe dewam bikin. Ev îqtîdar Tirkiyê ber bi çiravê ve dibe.

	&nbsp;&nbsp;

	Saliha di nava dorpêça polîsan de axaftina xwe domand û polîsan jê re got ‘were em hevdîtin bikin.’ Aydenîz bersiva polîsan da û got: “Em ê li ser çi hevdîtin bikin? Em mafê xwe yê demokratîk bikar tînin. Walî nikare qedexeyê deyne ser me. Walî bi vê biryara xwe ya qedexekirî nikare çalakî û daxwazên demokratîk asteng bike. Hûn ji vê yekê re nebin amûr. Çi dibe bila bibe em ê mafê xwe yê demokratîk bikar bînin. Em biryara qedexeyê ya Walî nas nakin. Çimkî dijqanûnî ye. Walî îro li dijî vê Destûra Bingehîn a vî welatî derdikeve û tevger dike.”

	&nbsp;

	Piştî axaftina Ayedenîz girse ji ber dadgehê veqetiya.&nbsp;