
Li Dêrikê şevbihêrka guftûgoyê hat lidarxistin

2019-12-20 09:22:58


	&nbsp;

	QAMIŞLO - Yekîtiya Rewşenbîrên Herêma Cizîrî şevbihêrka guftugoyê li ser rewşa siyasî û hevrêziya mala kurd, li bajarê Dêrikê li dar xist.

	&nbsp;

	Yekîtiya Rewşenbîrên Herêma Cizîrî şevbihêrka guftugoyê li ser rewşa siyasî û hevrêziya mala kurd li Bakur û Rojhilatê Sûriyeyê, li navenda çand û hunera şehîd Dicle ya bajarê Dêrikê ya girêdayî Kantona Qamişloyê li dar xist. Şevbihêrk bi tevlîbûna nûnerên partiyên siyasî yên kurd, pêk hat.

	&nbsp;

	Şevbihêrk bi deqeyek rêzgirtin ji bo pakrewanên azadiyê dest pê kir. Paşê semîner ji aliyê Endamê Ofîsa Siyasî ya Partiya Yekîtiya Demokrat a Kurd li Sûriyeyê Xebat Mihemed, Endamê Yekîtiya Rewşenbîran Diyab Hac û Endamê Yekîtiya Partiya Demokrat Nayif Hesen ve hate destpêkirin.

	&nbsp;

	Nîqaşên ku hatiye kirin wiha ye: "Dewleta tirk a dagirker ne tenê êrîşî gelê kurd dike, armanca ew e ku axa Bakur û Rojhilatê Sûriyeyê bixe bin kontrola xwe û her pêkhateyên ku yekîtî û wekheviyê bi rê ve dibe, tune bike. Her wiha me dît ku çawa li pêşiya çavên hemû dinyayê gelek bajarên me dagir kir û tê de bi cih bû. Bakur û Rojhilatê Sûriyeyê di pêvajoyek pir hesas û guhertineke demografîk de derbas dibe. Divê em hemû partiyên siyasî bibin yek da ku li pêşiya van guhertinên demografîk bibin bersiv."

	&nbsp;

	Şevbihêrk bi pirs û bersivan bi dawî bû.

	&nbsp;