Şêniyên Taxa Eşrefiyê êrîşa dewleta tirk bi meşekê şermezar kirin 2019-12-18 16:54:31   HELEB - Bi armanca şermezarkirina êrîşên dewleta tirk şêniyên Taxa Êşrefiyê ya Bajarê Helebê meşek girseyî li dar xistin.    Bi pêşentiya Meclîsa Taxa Êşrefiyê ya Bajarê Helebê û bi armanca şermezarkirina êrîşên dewleta tirk ên li ser herêmên Bakur û Rojhilatê Sûriyeyê, meşek hat lidarxistin. Meş bi  tevlîbûna sedan ji şêniyên taxa Eşrefiyê, sazî û dezgehan wê pêk hat. Di meşê de wêneyên zarokên komkujiya Til Rifetê û wêneyên pakrewan û alanên Kongreya Star, her wiha pankertên weke "Na ji dagirkeriyê re ", "Em ê tola zarokan hilînin", "Axa me rûmeta me ye","Qatîl Erdogan" hatin hildan. Meş ji pêşiya qada Şehîd Serbest dest pê kir û li Gulistana Istîqamê rawestiya.   Piştî deqeyek rêzgirtin ji bo pakrewanên azadiyê, axaftin hat kirin.   'Me xeta berxwedan û serkeftinê hibijartiye'    Li ser navê Kongreya Star Hene Kerdûş wiha got: "Em hemû şehîdên  ku canê xwe feda kirine, em bi bîr tînin û  bejina xwe li hember wan ditewînin. Em bi gelek êrîşan re rû bi rû mane. Dewleta tirk dixwaze me tune bike û  îredeya Gelê Kurd tune bike. Me xeta berxwedanê û serkeftinê hibijartiye û em ê bi têkoşîna xwe dagirkeriyê têk bibin. Erdogan zarokan qetil dike û dibêje em li aştiya gel digerin, gelo  ma bi kuştina zarok û jinan aşîtî  wê pêk were? Em bang li dewletên navneteweyî dikin kû bertek û sekna xwe  li hember dagirkeriya Erdogan  bidin nîşandan."   Meş bi dirûşma"Bijî berxwedana QSD'ê", "Bijî berxwedana Rojava" bi dawî bû .