Ji girtiyan re kartên piştevaniyê hatin şandin 

2019-12-17 15:04:32


	 

	ÎZMÎR - Parêzvanên mafên mirovan ên jin, kartên piştevaniyê ji jinên li Girtîgeha Şakranê ya Jinan girtî re şandin. 

	 

	Endamên Komîsyona Jinan a Şaxa Komeleya Mafên Mirovan (ÎHD) a Îzmîrê di çarçoveya Hefteya Mafên Miriovan de kartên piştevaniyê ji jinên li Girtîgeha Jinan a Şakranê girtî ne re şandin. Parêzvanên mafên mirovan ên jin li ber postexaneya navçeya Konaka Îzmîrê kom bûn û beriya kartan bişînin daxuyaniyek kurt dan. Rêvebera ÎHD’ê Cemîle Karakaya axivî û bal kişand ser rewşa girtiyên jin û xwest dayikên girtî werin berdan. 

	 

	Piştî daxuyaniyê jinan ji postexaneyê kartên piştevaniyê şandin.