
Li Mêrdînê 4 kes hatin binçavkirin 

2019-12-11 10:21:08


	&nbsp;

	MÊRDÎN - Li Mêrdînê polîsan serê sibehê bi ser gelek malan de girtin. Hevserokê HDP’a Mêrdînê Salîh Kuday û Seroka Odeya Bijîşkan a Mêrdînê Derya Etem jî di nav de gelek kes binçav kirin.&nbsp;

	&nbsp;

	Li navçeyên Qoser, Nisêbîn û Artûklû yên Mêrdînê polîsan serê sibehê bi ser gelek malan de girtin. Polîsan di serdegirtina malan de lêgerîn pêk anî û alavên malan serûbin kirin. Piştî lêgerînên li malan Hevserokê Rêxistina HDP’ê ya Mêrdînê Salîh Kuday û Seroka Odeya Bijîşkan a Mêrdînê Derya Etem jî di nav de gelek kes binçav kirin.&nbsp;

	&nbsp;

	Hat zanîn ku polîsan li odeya Derya ya li nexweşxaneya taybet ku dixebitî jî lêgerîn pêk anîne.&nbsp;

	&nbsp;

	Heta niha Hevserokê HDP’ê Salîh Kuday, Seroka Odeya Bijîşkan Derya Etem, endamên HDP’ê Neda Alper û Emel Oran hatine binçavkirin. Tê gotin ku hejmara binçavkiriyan dibe zêde jî bibe.&nbsp;

	&nbsp;

	Piştî kontrola tenduristiyê binçavkiriyan birin Miduriyeta Polîsan a Mêrdînê. Hat zanîn ku sînorkirina hevdîtina 24 saetan a parêzeran danîne ser binçavkiriyan.&nbsp;

	&nbsp;