Konferansa Rojava dê li Parlamentoya Ewropayê pêk bê 

2019-12-09 15:40:40


	 

	NAVENDA NÛÇEYAN - Parlamentoya Ewropayê dê malovaniyê ji konferanseke berfireh a li ser Bakur û Rojhilatê Sûriyeyê re bike.

	 

	Konferans bi pêşengiya koma Keskan/EFA, Tifaqa Navneteweyî ji bo Parastina Azadî û Mafan a bi Rêveberiya Xweser a Bakur û Rojhilatê Sûriyeyê (AÎDL) li Parlamentoya Ewropayê pêk bê.

	 

	Di konferansa ku dê 11'ê û 12'yê kanûnê pêk bê dê parlamenter, parêzvanên mafên mirovan, akademîsyen, nûnerên rêxistinên parastina azadiya çapemeniyê, rojnamevan û lêkolîner pêşkêşiyê bikin. Konferans dê roja çarşemê saet di 16:30'î de dest pê bike û heta 19:30'î dewam bike. Di roja duyemîn de jî wê di navbera 09:30 û 17:00 de pêk were.

	 

	Amadekarên konferansê diyar kirin ku der barê Rojava de yekemcar konferanseke wisa berfireh li Parlamentoya Ewropayê tê kirin.