
Xizmên windayan qedexeya walîtiyê şermezar kirin  

2019-11-23 15:38:38


	&nbsp;

	AMED - Xizmên windayan li Amedê li hev kom bûn, biyara qedexekirina walîtiyê li ser çalakiya xwe şermezar kirin û xwestin ku xizmên wan ên winda demildest bên dîtin.

	&nbsp;

	Şaxa Komeleya Mafê Mirovan (ÎHD) a Amedê û xizmên windayan di hefteya 562’yan de çalakiya “Bila winda bên dîtin kujer werin darizandin” li ber avahiya komeleyê li dar xist. Parazvanên mafê mirovan wêneyên windayan hilgirtin.&nbsp;

	&nbsp;

	Endamê Komîsyona Windayan a Şaxa ÎHD’a ya Amedê Hasan Yalçin, di çalakiya vê heftê de axivî û got: “Ji bo ku winda û faîlên wan bên dîtin em ê têkoşîna xwe dewam bikin. Ji ber biryara qedexeya walîtiyê ev 64 heften di qada sergirtî de neçar mane ku çalakiya xwe li dar bixin. Ev bê mafiye û binpêkirina mafane. Bi salane em vê yekê tînin ziman. Em bi salane di her &nbsp;qadê de em vê daxwazên xwe tînin ziman. Em gelek caran şehîd bûn. Di dosyayên windayan de, faîl ji bo ku neyin cezakirin tên parastin. Tekane daxwaza me dîtina windayan û faîlên wane.”

	&nbsp;

	Hasan, dest nîşan kir ku gelek kesan bêyî ku xizmên xweyên winda bibînin jiyana xwe &nbsp;ji dest dan û wiha rêz kir: “Gelek dayikên mîna dayika Fatma û Elmas bêyî ku kurê xwe, birayên xwe û xizmên xwe bibînin, wefat kirin. Dayika Îbrahîm Gundem ê winda jî îsal jiyana xwe ji dest da. 4 sal bi ser kuştina Tahîr Elçî re derbas bûn. Lê heya niha tu pêşketin di dosyeya wî de tuneye. Divê cînaheta Elçî baş bê lêpirsîn.”&nbsp;

	&nbsp;

	Piştî axaftina Hasan, xizmên windayan aqûbeta Îbrahîm Gundem ê di 25’ê Îlona 1991’an de li navçeya Hezro ya Amedê dibin çavan de hat windakirin pirsîn. Xwîşka Gundem Ferîde Gundem piştî xwendina çîroka Îbrahîm hat xwendin axivî û got: “Heya ku em saxbin em ê dev ji doza xwe bernedin û em ê têkoşîna xwe dewam bikin. Divê birayê min bibîn in.”

	&nbsp;

	Dûre çalakiya rûniştinê hat lidarxistin.

	&nbsp;