
Hevşaredara Pirsûsê Hatîce Çevîk hat girtin 

2019-11-20 17:30:43


	&nbsp;

	RIHA - Hevşaredara Pirsûsê Hatîce Çevik, bi îdîaya "Endamtiya rêxistinê" û "Propaganda rêxistinê hat girtin.

	&nbsp;

	Hevşaredara Navçeya Pirsûsê ya Rihayê Hatîce Çevîk a di 15'ê Mijdarê de hat binçavkirin û qeyûm tayînî şûna wê kirin, 5 rojan li Midûriyeta Polîsan a Rihayê di bin çavan de hat girtin û îro sewqî edlîyê kirin. Hatîce, piştî hat binçavkirin Wezîrê Karên Hundir Qeymeqamê navçeya Pirsûsê Kenan Aktaş wekî qeyûm tayînî şûna wê kir. 2 caran der barê wê de rojên binçavkirinê hat dirêjkirin. Hatîce, li midûriyeta polîsan, têkildarî dosyaya der barê wê de biryara veşartinê heye îfade neda polîsan. Hatîce îro sewqî edlîyê hat kirin. Dozger piştî îfadeya Hatîceyê girt, bi îdîaya "Endamtiya rêxistinê" û "Propaganda rêxistinê sewqî dadgehê kir û xwest bê girtin.&nbsp;

	&nbsp;

	2’yemîn Dadgeha Cezayê Giran a Rihayê bi heman îdîayan Hatîce girt û şand Girtîgeha Tîpa T a Rihayê. &nbsp;&nbsp;

	&nbsp;

	&nbsp;