
Li Mêrdînê 3 hevşaredar hatin binçavkirin 

2019-11-15 08:57:49


	&nbsp;

	MÊRDÎN - Hevşaredara Stewrê Gulîstan Oncu, Hevşaredara Şemrexê Nalan Ozaydin û Hevşaredara Dêrikê Mulkiye Esmez di serdertina malan de hatin binçavkirin. Avahiyên şaredariyan ji aliyê polîsan ve hatin dorpêçkirin.&nbsp;

	&nbsp;

	Polîsan vê sibêhê li navçeyên Mêrdînê bi ser malên hevşaredarên HDP'î de girt. Hevşaredara Stewrê Gulîstan Oncu, Hevşaredara Şemrexê Nalan Ozaydin û Hevşaredara Dêrikê Mulkiye Esmez di serdertina malan de hatin binçavkirin. Hat zanîn ku hevşaredar bi hinceta lêpirsîna derbarê wan de hatiye destpêkirin hatine binçavkirin. Hevşaredaran birin Midûriyeta Polîsan a Mêrdînê.&nbsp;

	&nbsp;

	Li gel hevşaredaran hat zanîn ku xebatkarên Şaredariya Dêrikê Muslîme Ozbahçecî, Hediye Guneş, Burhan Temel û Feyzullah Erol jî hatin binçavkirin. Hat ragihandin ku dibe hejmara binçavkiriyan zêde bibe.&nbsp;

	&nbsp;

	Piştî binçavkirina hevşaredaran, avahiyên şaredariyan ji aliyê polîsan ve hatin dorpêçkirin.&nbsp;