Ji hevşaredarên dibin çavan de peyam: Tu rewabûna qeyûman tune ye 

2019-11-09 17:04:07


	 

	WAN - Hevşaredarên HDP’ê yên Rêya Armûşê Şehsade Kurt û Azîm Yacan ên hatin binçavkirin û dûre qeyûm tayînê cihê wan hat kirin bi navbeynkariya parêzerên xwe peyam şandin û gotin: “Emê tu carî dest ji têkoşîna xwe bernedin.” 

	 

	Hevşaredarên Partiya Demokratîk a Gelan (HDP) yên Navçeya Rêya Armûşê ya Wanê Şehsade Kurt û Azîm Yacan ê pêr hatin girtin û serê vê sibê qeyûm tayînê cihê wan hat kirin bi navbeynkariya parêzerên xwe peyam şand. 

	 

	Hevşaredaran di peyama şandin de wiha gotin: “Tu rewabûna qeyûman tune ye. Em ji xwe û gelê xwe pir bi bawer in. Ne di hevpeymana civakî de û ne jî di pergala qanûna bingehîn de, tu rewabûna rejîma qeyûm tune ye. Ji ber vê em jî bi tu awayî qeyûman meşrû nabînin û em ê nebînin jî. Ji ber vê em ê bi tu awayî ji têkoşîna xwe ya demokratîk tawîzan nedin û em ê dest ji têkoşîna xwe bernedin. Em hemû jin, ciwan û gelê me yê ku xwedî lime derketin silav dikin.”