
TJA: Pirsgirêka Sûriyeyê bi şer çareser nabe  

2019-10-07 15:49:52


	&nbsp;

	AMED - Tevgera Jinên Azad (TJA) bi daxuyaniyeke nivîskî bal kişand ser operasyona leşkerî ya li hemberî Bakurê Sûriyeyê û wiha hat gotin: "Em bang li femînist, hêzên demokratîk û azad, ekolojîst, kedkar, karker, hunermend, ciwan û jinan dikin ku li hemberî polîtîkayên şer helwest nîşan bidin."

	&nbsp;

	Tevgera Jinên Azad (TJA), bi daxuyaniyeke nivîskî bal kişand ser tevgera leşkerî ya li hemberî Bakur Sûriyeyê. Di daxuyaniyê de hat gotin ku tifaqa AKP û MHP'ê bi şer û zextan xwe li ser piyan digire û wiha hat gotin: "Bi tevgera leşkerî dixwazin destkeftiyên Kurdan ji holê rakin. Dixwazin xwe zîndî bikin û polîtîkayên ku têk çûyî veşerin."

	&nbsp;

	Di daxuyaniya nivîskî de wiha hat diyar kirin: "Tevgera leşkerî ya ku li hemberî gelên Bakur û Rojhilatê Sûriyeyê tê destpêkirin nayê qebûlkirin. Tevgera leşkerî tenê dê bibe sedema şer û nabe sedema aramî, aştî û demokrasiyê. Çareserî bi şer pêk nayê. Çareserî bi muzakere û demokrasiyê pêk tê. Em bang li femînist, hêzên demokratîk û azad, ekolojîst, kedkar, karker, hunermend, ciwan û jinan dikin ku li hemberî polîtîkayên şer helwest nîşan bidin."

	&nbsp;