
PYD'ê civînek berfireh li Til Temir lidar xist 

2019-10-06 11:49:29


	&nbsp;

	HESEKÊ - Bi armanca amedekariya Kongreya 8'mîn a PYD’ê li Navçeya Til Temir civînek berfireh hat lidarxistin.

	&nbsp;

	Bi armanca amadekariya Kongreya 8'mîn a Partiya Yekîtiya Demokratîk (PYD) li Navçeyên Kantona Hesekê civînên berfireh tên lidarxistin. Li Saziya Malbatên Şehîdan a Navçeya Til Temir jî di vê çarçoveyê de, civînek berfireh ji endamên PYD'ê re, hat lidarxistin.

	&nbsp;

	Bi beşdarbûna Endamê Rêveberiya Giştî ya PYD'ê Ebdul Kerîm Saroxan ve hate lidar xistin.

	&nbsp;

	Piştî deqeyek rêzgirtina ji bo cangoriyên azadiyê, civîn hat destpêkirin. Di civînê de Endamê Rêveberiya Giştî ya PYD'ê Ebdul Kerîm Saroxan li ser geşedanên dawî yên li herêmê û li qada navdewletî nirxandin kir.

	&nbsp;

	Di destpêka nirxandina hat kirin de hat diyarkirin ku li dijî Gelê Kurd û Bakur Rojhilatê Sûriyê hevpeymaneke navdewletî heye û wiha hat berdewamkirin: "Hêzên hegemonîk dixwazin gelê Rojhilata Navîn bikin qurbana bazar û hevpeymanên xwe yên qirker. Armanca aloziya Sûriyê ku ev 8 sal in dirêj kiriye binpêkirina Şoreşa gelan û projeya Netewa Demokratîk e."

	&nbsp;

	‘Çiraya Kesk ji Tirkiyê re hatiye pêxistin’

	&nbsp;

	Di nirxandina hat kirin de lihevkirina Rûsiya, Emerîka û Tirkiyê hat bibîrxistin û ev tişt hat gotın: "Hevpeymanên navneteweyî hember Gelê Kurd her ku diçe zêde dibin. Çiraya kesk ji Tirkiyê re hatiye pêxistin ku êrîşî herêmên Bakur û Rojhilatê Sûriyê bike. Erdogan jî niha dîsa li hember vê herêmê gefan dixwe û dibêje min amedekariyên xwe kirine û ez ê êrîş bikim. Armanc ew e ku Gelê Kurd ji holê rakin û projeyên xwe yên dagirkeriyê bidin rûnişkandin. Li hember van polîtîkayan jî dê gelê me bi têkoşîneke xurt li ber xwe bide."

	&nbsp;

	Piştî nirxandina destpêkêkê ku hat kirin endamên partiyê li ser rewşa Navçeya Til Temir pirsgirêkên ku di nava civakê de dertên û çareseriya wan nirxandin kirin.

	&nbsp;

	Piştî nirxandina endaman Hevserokê PYD'ê yê Navçeya Til Temirê Mihemed Seyîd Şêxmûs li ser rewşa rêxistinî nirxandin kir û ev yek anî ziman: " Li hember pêvajoya ku tê xwestin pêwîste ku endam yek bi yek asta têkoşîn û rêxistina xwe ya di hundir civakê de xurtir bikin. bi rihekî hevpar Şoreşa xwe biparêzin û projeya Netewa Demokratîk baş bidin rûniştandin da ku ji cîhanê re bibe nimûne."

	&nbsp;