
Nobeta Demokasiyê ya Wanê di roja xwe ya 47’emîn de dewam kir 

2019-10-04 16:37:42


	&nbsp;

	WAN - Endamên Meclîsa Jinan a Tum Bel Senê beşdarî Nobeta Demokrasiyê ya Wanê bûn û gotin ew kêfxweşiya rojên xweş dijîn.

	&nbsp;

	Li Wanê Nobeta Demokrasiyê di roja 47’emîn de li cihê her roj li ber avahiya HDP’ê ya Navçeya Rêya Armûşê dewam kir. Li gel parlamenter û rêveberên HDP’ê û gelek welatî, endamên Meclîsa Jinan a Sendîkaya Kedkarên Rêveberiya Xwecihî û Hemû Şaredariyan (Tum Bel Sen) jî beşdarî çalakiyê bûn. Welatiyan bênavber dirûşmên li dijî qeyûm berz kirin. Di çalakiyê de ewilî Hevserokê Rêxistina DBP’ê ya Wanê Kawa Okkeş axivî û diyar kir ku ew ê li dijî bêhiqûqiyê berxwedana xwe dewam bikin.

	&nbsp;

	Pişt re Endama Desteya Rêveberiya Navenda Tum Bel Senê Sati Buruncu axivî û destnîşan kir ku tayînkirina qeyûm darbeyek li dijî vîna gel û demokrasiyê ye û wiha got: “Em ê li dijî desteserkirina vîna gel demokrasiyê biparêz in. Piştî tayînkirina qeyûmê li Wanê ewilî hevalên me ji kar derxistin û binçav kirin. Em li dijî bertîlxwarin û sextekariya qeyûman li ber xwe didin û wê ev berxwedan berdeam bike. Şaredarî yên me ne. Buçteya şaredariyê mafê gelê wî bajarî ye. Em bi hêvînê wê rojên xweştir werin.”

	&nbsp;

	Her dawî Endama Meclîsa Jinan a Tum Bel Senê Nazîfe Bayrak Tosu jî da zanîn ku ji dûrxistina vîna bi deh hezaran welatî darbeyek vekirî ye û pergala hevserokatî ne sûc e û destkeftiyek micid e. Tosu got divê vîna gel neyê desteserkirin û ew dixwazin ev neheqî demildest bi dawî bibe û vîna gel vegere ser wezîfeya xwe.

	&nbsp;

	&nbsp;

	&nbsp;