
Yekîtiya Rewşenbîran daxuyanî da 

2019-09-26 15:35:22


	&nbsp;

	QAMIŞLO - Yekîtiya Rewşenbîrên Herêma Cizîrê, gotin destûra ku nûnerên hezaran şehîdan ên ku ji bo Sûriyeke demokratîk xwe kirin qurbanî, jê werin dûrxistin, ew destûr ne adil e û ne demokratîk e.

	&nbsp;

	Piştî &nbsp;îlankirina komîteya destûr a Sûriyê di 23`yê Îlonê de û nebeşdarbûna nûnerên Rêveberiya Xweser, nerazîbûna li hemberî vê yekê roj bi roj zêde dibe.

	&nbsp;

	Di vê çarçoveyê de, bi dehan endamên Yekitiya Rewşebîrên Herêma Cizîrê, li baxçeyê Xwendinê ya bajarê Qamişlo, daxuyaniyek dan. Daxuyanî ji aliyê endamê yekitiyê Diyar Dirêî bi zimanê kurdî û bi zimanê erebî jî ji aliyê endama yekitiyê Koser Mardînî hate xwendin.

	&nbsp;

	Di daxuyaniyê de, hate gotin ku ew vê komîteya sexte û xapînok red dikin û hêzên ku serpereştiya vê yekê dikin, dixwazin welat parçe bikin û ev yek jî wê istiqrar û çareseriyê ji welatê wan re neyîne.

	&nbsp;

	Daxuyanî wiha didome: “Bê guman dawîbûna aloziya Sûriyê û danîna destûrekî nû, daxwaza hemû pêkhateyên Bakur û Rojhilatê Sûriyê ye, lê divê ev destûr demokratîk be û nûnertiya hemû pêkhateyên Sûriyê bike, ne ku destûrekî mêtingeran ku li şûna gelê Sûriyê binivîsinin.”

	&nbsp;

	Yekitiya Rewşenbîrên Herêma Cizîrê, gotin destûra ku nûnerên hezaran şehîdan ên ku ji bo Sûriyeke demokratîk xwe kirin qurbanî, jê werin dûrxistin, ew destûr ne adil e û ne demokratîk e, ew destûr ê hêza ku xwîna gelê Sûriyê di nav xwe de parçe kiriye û ew nûnertiya îradeya gelê Sûriyê bi tevahî nake û nexasim Kurd."

	&nbsp;