
Şandeya Jinan a Rojava çû serdana jinên Tevgera Goran  

2019-09-26 08:36:30


	&nbsp;

	NAVENDA NÛÇEYAN - Şandeya Jinan a Bakur-Rojhilatê Suriye di çarçoveya hevdîtinên xwe yên li gel rêxistin û saziyên jinan de li Silêmanî çûn serdana jinên Tevgera Goran.&nbsp;

	&nbsp;

	Şandeya jinan a Bakur-Rojhilatê Sûriyeyê di çarçoveya hevdîtinên xwe yên li gel rêxistin û saziyên jinan ên Herêma Federal a Kurdistanê de didomînin. Şande li Silêmaniyeyê çû serdana jinên Tevgera Goran. Piştî serlêdanê daxuyaniyek hat dayîn û hat gotin ku tevayî armancên netewî yên her çar parçên Kurdistanê yeke.

	&nbsp;

	Piştî civîna li gel jinên di nava Tevgera Goran de Endama Koordînasyona Kongra Star Asya Abdullah û Endama Cıvata Nîştimanî ya Tevgera Goran Çîmen Mihemed têkildarî civînê ji çapemeniyê re axivîn.

	&nbsp;

	'Amedekariya konferansa 3'yemîn bidin destpêkirin'

	&nbsp;

	Despêkê Asya Abdullah axivî û got: “Wek şanda jinan a Bakur-Rojhilatê Suriye armanca serdana me ew e ku em behsa xebatên netewî di çarçoveya konferansa jinan ya ku li Amed û Hewlêrê hatibû lidarxistin û ji ber hinek sedeman hatibû sekinandin, em dixwazin carek din em van xebatan bidin despêkirin. Ji bona vê yekê jî em ê li gel tevayî jinên di nava aliyên siyasî de hevdîtinan bikin.”Asya Abdullah da zanîn ku ew dixwazin amadekariyên konferansa sêyemîn bidin destpêkirin û xebata hevbeş bihêztir bikin. Her wiha anî ziman ku ew di wê baweriyê de ne wê giftûgoyên wana bi erênî derbas bibin.

	&nbsp;

	'Ji bo her çar parçeyan xebat'

	&nbsp;

	Piştre Endama Civata Nîştimanî ya Tevgera Goran Çîmen Mihemed jî axivî û da zanîn ku armancên netewî yên her çar parçên Kurdistanê yeke û ji bona wê ew ê wek Goran bibin alîkar. Her wiha Mihemed keyfxweşiya xwe ji bo serdana şandeyê jî anî ziman.&nbsp;

	&nbsp;

	Serlêdanên saziyan dê bidomîn

	&nbsp;

	Di nava Şandeya jinan a Bakur-Rojhilatê Suriye de Endama Koordînasyona Kongra Star Asya Abdullah, Çalakvana Sivîl Estêre Qasim, Seroka Şepola Pêşeroja Kurdistan Narîn Metîn û Hevseroka Meclîsa Xwerêveberiya Herêma Efrînê Şîraz Hemo cih digrin. Tê payîn ku şande bi qasî hefteyek li Başûrê Kurdistanê bimîne û li gel rêxistin û tevayî jinên di nava partiyên siyasî yên Herêma Federal a Kurdistanê bicive.

	&nbsp;

	Şandê dê îro jî biçin serdana jinê Hizba Zehmetkêşên Kurdistan, Jinên Komel û Yekgirtû.&nbsp;