
Nobeta Demokrasiyê li Amedê di roja 33'yan de berdewam kir

2019-09-20 15:22:34


	&nbsp;

	AMED - Nobeta Demokrasiyê ya li dijî tayînkirina &nbsp;qeyûman di roja xwe ya 33'yemîn de berdewam kir. parlementer Dersîm Dag di çalakiyê de axivî û got; “Heta ku em şaredariyên xwe paşve bigirin wê têkoşîna me berdewam bike.”

	&nbsp;

	Nobeta Demokrasiyê ya Partiya Demokratîk a Gelan ku li dijî tayinkirina qeyûman hat destpêkirin di roja xwe ya 33'emîn de li ser kolana Lîseyê ya li hemberî şaredariya Bajarê Mezin a Amedê berdewam kir.Girseyê dibin dorpêça polsîan, toma, maşîneyên polîsan de û li hember gefên polîsan bi berzkirina diruşman û stranan sekna xwe da nîşakirin û çalakiya xwe berdewam kir. Beriya ku daxuyanî bê dayîn Musa Anter di salvegera ji destdayîna jiyana xwe de hat bîranîn

	&nbsp;

	‘Qeyum 37 komeleyên jinan girtin’

	&nbsp;

	Parlementera Amedê Dersîm Dag di daxuyaniyê de axivî û got;"Di roja 33'emîn ya berxwedana xwe de em bangî we dikin. Beriya vê jî qeyûm tayînî şaredariyan hatibûn kirin, ez dixwazim bahsa çend &nbsp;'xizmetên' kirine &nbsp;bikim. &nbsp;Qeyumê &nbsp;37 komeleyên jinan girtin, naveroka navendên çand û hunerê yên ciwanan hatin guherandin û girtin. Herwiha &nbsp;Navenda Çand û hunerê ya Cigerxwîn dwerî saziya dewletê (Halk Egitîm) hat kirin. Gelek cih û komeleyên jinê jî bi heman awayî dewrî alîgirên &nbsp;AKP’ê hatin kirin. Kesên ku zimanê kurdî weke waneyek bijarte li dibistanan kirin nav pergala perwerdeyê û dibêjin em &nbsp;bi zimanê dayîkê perwerdeyê didin, heman kesin ku cihê perwerdeya zimanê kurdî girtin e. Bi van re qeyûm avêtin ser Îrade, werzîş, çand û hunera kurdan. Yên ku ji navê Amed Sîpor aciz bûn daxwaz kirin ku navê wê biguherînin, dema ku Amed Sîpor ev qebûl nekirin di warê aborî de tengav kirin.”

	&nbsp;

	Dersim bi diruşma “Amed Ya Me ye”, “Pasur Ya Me ye”, re dawî li axaftina xwe anî. Piştî daxuyaniya çapemeniyê gel 10 deqeyan çalekiya roniştinê &nbsp;pêk anî û piştre girseyê çalakiya xwe bi dawî kir..

	&nbsp;