
Efeyê ku bi wesayeta zirxî jiyana xwe ji dest da hat definkirin 

2019-09-13 15:08:34


	&nbsp;

	AMED - Cenazeyê Efe Tektekîn ê 6 salî polîsan bi maşîna zirxî lê qeliband û kuştin li Goristana Yenîkoyê defin kirin.&nbsp;

	&nbsp;

	Cenazeyê zarokê 6 salî Efe Tektekîn ê ku polîsan bi maşîna zirxî li Kolana Emekê ya taxa 5 Nîsanê ya navçeya Rezan a Amedê kuşt li Goristana Yenîkoyê defin kirin. Di 11 mehê de maşîneya zirxî li Efe Tektekîn qelibîbandibû û bi giranî birîndar kiribû. Efe rakiribûn Nexweşxaneya Zanîngeha Dîcleyê. Lê Efe şevê din jiyana xwe ji dest da û cenazeyê wî piştî otopsiya li Nexweşxaneya Dewletê ya Selahattîn Eyûbî li Goristana Yenîkoyê defin kirin.&nbsp;

	&nbsp;

	Dema cenaze ji morga Nexweşxaneya dewletê girtin Bav Ahmet Tektekin, bertek nîşanî polîsên ku bi maşîna zirxî kurê wî kuşt da û got: “Maşîna polîsan li pêş çavan kurê min qetil kir. Kurê min 6 salî bû. Ne mêş û morî bû. Çi karê maşîneya zirxî li wir heye. Polîsan çawa kurê min li wir nedît. Salek barê maşîneya TOMA'yê bavê min qetil kir."&nbsp;

	&nbsp;

	Malbatê piştî otopsiyê cenazeyê Efe anî Goristana Yenîkoyê u li vir bi wecîbeyên olî defin kirin.

	&nbsp;

	Şaxa ÎHD'ê ya Amedê jî têkildarî bûyerê daxuyanî da û got: "Di 10 salên dawî de di encama qezayên maşîneyên zirxî de li herêmê 17 kesan jiyana xwe ji dest dan. Ji ber kesên bersûc nayên cezakirin bi maşîneyên zirxî mirovan qetil dikin. "

	&nbsp;

	Kalikê Efe Tektekîn Mehmet Tektekin (85) jî di 6'ê Hezîrana 2018'an de maşîna TOMA lê qelibandibû û kuştibû.

	&nbsp;