
Li Wanê çalakîya li dijî qeyûman berdewam e 

2019-09-09 18:15:02


	&nbsp;

	WAN - Li dijî tayinkirina qeyûman çalakiya runiştinê tevî hemû astengî û mudexeleyên polîsan di roja xwe ya 22’emîn de didome. Tevî hemû astengiyên polîsan bi pêşengiya parlementeran girse heta navenda HDP’ê ya Wanê û meşiya.&nbsp;

	&nbsp;

	Çalakiya rûniştinê ya li dijî qeyûman a &nbsp;li navçeya Îpekyolu ya Wanê di roja xwe ya 22’emîn de &nbsp;berdewam dike. Parlamenterên HDP'ê Murat Sarisaç, Ayşe Surucu, Dilşad Canbaz Kaya, Murat Çepni, Hasan-Ozguneş,Ayşe Acar Başaran û Hevserokê Şaredariya Bajarê Mezin a Wanê, Mustafa Avci, rêvebirên navçe û bajêr ên HDP'ê, &nbsp;Aktivîstên Tevgera Jinên Azad (TJA) û Meclîsa Dayikên Aştiyê &nbsp;beşdarî çalakiya rûniştinê bûn. Di çalakiya şermezarkirina qeyûman a li ber avahiya navçeya Îpekyoluyê de pankarta "Ne îdareyan qeyûman vîna gel” û dovîzên “Jin jiyan azadî”, Qeyûm dê here gel dê were” hatin rakirin.&nbsp;

	&nbsp;

	‘Heta ku hevşaredarên bên ser peywirê berxwedan’

	&nbsp;

	Çalakî bi axaftina parlementerê HDP’ê yê Îzmîrê Murat Çepnî ve hate destpêkirin. Murat bi lêv kir ku heta ku hevşaredar &nbsp;şaredariyê tînin ser peyvirê ew ê têkoşîna xwe bidomînin û wiha axivî;” Di 19 tebaxê 3 şaredariyên me hatin xespkirin. Li dijî qeyûman têkoşîna me di roja 22’an de didome. Ev xespkirin ne hiquqî bû, ev li dijî vîna gel xesp bû. Ev erdnîgariyê nijadperestî û nebaşî bi hemû xirabiyan hatiye qirêjkirin. Em vê pêvajoyê ji wisa dinirxînîn. Ev 22 rojin em li Wan,Amed û Mêrdînê bi pêşengiya hêzên demokratîk tedikoşîn. Li tevî hemû astengiyan dîsa ji têkoşîna me didome. Heta ku hevşaredarên me tînin ser peyvira xwe em ê têkoşîna xwe bidomînin. Ev şer şerê îktîdarê ye. Ev polîse hemû parasvanên serokwezîrin. Ev xespkirin ne tenê li dijî gelê kurde, li dijî hemû gelên Tirkiyeyê ye.&nbsp;

	&nbsp;

	‘Wê li dijî zilmê û faşîzmê berxwedana me dê &nbsp;bidome’

	&nbsp;

	Murat, di dawiya axaftina xwe de bal kişand ser polîtîkayên îktîdarê û got ku ev polîtîka zirarê didin xwezayê û mirovahiyê û wiha bi dawî kir;” Li dijî her têkoşerekî di bin mertal. Çima? Ji ber ku em qetilkirina xwezayê, em cinayetan û em zilmê qebûl nakîn. &nbsp;Ew tiştê ku em niha rû bi rû dimînin îstîsmar û cinayet e. Ew kesên ku ji îstîsmar û derewan dikin, îro derbe li vîna gel kiriye. Wê li dijî zilmê û faşîzmê berxwedana me bidome.”&nbsp;

	&nbsp;

	Rojnameger hatin astengikirin

	&nbsp;

	Piştî axaftina Murat girseyê xwest ku heta navenda HDP’ê bimeşe lê bi astengî û mudexeleya polîsan re rû bi rû man. Di navbera polîs parlementeran de gengeşî derket. Parlementerê HDP’ê yê Wanê Murat Saricaç bertek nîşanî vê helwestê da û bang li hemû gelê Wanê kir ku li dijî qeyûman çalakiyên xwe yên demokratîk pêk bînin. Her wiha di wê encamê de polîsan destûr neda ku rojnameger dîmen bikşînin.&nbsp;

	&nbsp;

	Tevî hemû astengiyan bi pêşengiya parlementerên HDP’ê girse bêdengî &nbsp;heta navenda HDP’ê meşiya.&nbsp;

	&nbsp;