
Çalakiya rûniştinê ya Dayikên Aştiyê di roja 4’an de dewam dike 

2019-09-04 10:00:26


	&nbsp;

	MEXMÛR - Çalakiya Dayikên Aştiyê ya li seytereya PDK'ê ya di navbera Hewlêr û Mexmûrê de 4 roj li pey xwe hiştin. Dayik diyar kirin ku heta ku bersiva daxwaza wan a rewa neyê dayîn wê çalakiya xwe berdewam bikin.&nbsp;

	&nbsp;

	Di 17’ê tîrmeha 2019’an de li restoranta bi navê Hoqabaz a li Hewlêrê berpirsyarê MÎT’ê (Teşkîlata Îstîxbarata Tirk) Osman Kose hat kuştin. Piştî vê bûyerê Wargeha Penabaran a Şehîd Rûstem Cûdî (Mexmûr) careke din bû hedefa êrîşan û dorpêç li ser hat danîn. Ev 49 roj in dorpêç û ambargoya li ser Wargeha Mexmûr berdewam dike. Dayikên Aştiyê xwestin wek şandeyekê serdana berpirsên Hewlêrê bikin, lê dîsa rastî astengiya seytereya asayîşa PDK’ê hatin.

	&nbsp;

	Ev 4 roj in Dayikên Aştiyê li ber seytereyê di nav çalakiyê de nin. Dayikên Aştiyê diyar dikin ku heya ambargoya li ser wargehê nerabe, ew dest ji çalakiyên xwe bernadin û wê çalakiya xwe &nbsp;berdewam bikin. Hêzên ser bi Asayîşa PDK’ê heqaret û bê mafî li dayikan kiribûn, lê dayika dawî li çalakiya xwe ne anîn. Bi gotina 'Berxwedan jiyane' bersiv dan hêzên asayîşê. Çalakiya dayikan bi îradeyek xurt dewam dike.

	&nbsp;

	Herwiha Asayîşa PDK’ê destûr nade tu kes ji wargehê serdana dayikan bikin. Dayik li ber germahiyê rojê di nava çalakiyê de ne û asayîş rê nade bijîşk jî serdana dayikan bikin. Tîma tenduristiyê ya ku duh xwest rewşa dayikan kontrol bike ji aliyê asayîşa PDK’ê ve hatibû asteng kirin.

	&nbsp;