
Çalakiya rûniştinê ya li Mêrdinê ket roja xwe ya 15'an 

2019-09-02 13:33:55


	&nbsp;

	MÊRDÎN - Li Mêrdinê çalakiya rûniştinê di roja 15’an de bi tevlîbûna parlamenterên HDP'ê ya li Mêrdîn, Riha û Êlihê pêk hat.&nbsp;

	&nbsp;

	Piştî wezîrê Karen Hundir Suleyman Soylu di 19'ê tebaxê de qeyûm tayinî şaredariyên HDP’ê yên Wan, Mêrdîn û Amedê kir, hilbijêrên HDP’ê, parlamenter, hevşaredar, rêveber û endamên meclîsa şaredariyan 15 roj in li kolanan bertekên xwe tînin ziman. Li Mêrdinê çalakiya rûniştinê di roja 15’an de didome.

	&nbsp;

	Çalakiya rûniştinê ya li Mêrdinê bi tevlîbûna parlamenterên Partiya Demokratîk a Gelan (HDP) ya Mêrdîn, Riha û Êlîhê, rêveberên Partiya Herêmên Demokratîk (DBP) îro jî li Parka Karayoluyê pêk hat. Polîsan dora parlamenter û rêveberan dorpêç kir û nehişt welatî tevlî çalakiyê bibin.&nbsp;

	&nbsp;

	Di çalakiyê de parlamenterê HDP'ê ya Êlihê Necdet Îpekyuz axaftineke kurt kir û diyar kir ku dê têkoşîna xwe bi her avayî dê bidomînin.&nbsp;

	&nbsp;

	Piştî axaftinan bi dirûşmeyên "Jin jiyan azadî" û "Bi berxwedanê em ê bi ser kevin" heta li ber avahiya HDP'ê ya bajêr meş hat lidarxistin.&nbsp;

	&nbsp;