
'Em ê pergala hevserokatiyê li her derê pêk bînin' 

2019-08-30 14:22:32


	&nbsp;

	AMED - Bi sedan jinî piştgirî dan çalakiya li dijî qeyûman a rûniştinê ya bi beşdarbûna parlamenterên HDP'ê, hevserokên şaredariyan û gel li Amedê di roja xwe ya 12'emîn de didome. Jinan di çalakiya rûniştinê de peyama 'Hevserokatî xeta me ya mor e' dan.&nbsp;

	&nbsp;

	Çalakiya rûniştinê ya ku li dijî tayinkirina qeyûman a li bajarên Mêrdîn, Amed û Wanê hatibû destpêkirin di roja xwe ya 12'emîn de didome. Welatiyên ku li Kolana Lîseyê hatin gel hevdu dirûşmên "Em ê serî hildin û bi ser bikevin,"Li dijî qeyûman yekîtî","Maf hiqûq HDP" hatin berzkirin. Parlamenterên HDP'ê &nbsp;Ayşe Acar Başaran, Remziye Tosun, Saliha Aydeniz, Feleknas Uca, Musa Farısogullari, Semra Guzel beşdarî çalakiyê bûn. Her wiha îro Hevserokên Şaredariya Êlihê, Meclîsa Jinê ya Sosyalîst (SKM), &nbsp;Partiya Sosyalîstan a Bindest (ESP), Kongreya Îslama Demokratîk (DÎK), Meclîsa Dayikên Aştiyê, Partiya Azadiyê û Mirovan û hemû sazî û meclîsên jinan jî piştgirî dan çalakiyê.&nbsp;

	&nbsp;

	Bi sedan jinî heta qada çalakiya rûniştinê ya Liseya Ziya Gokalp dirûşma "Jin jiyan azadî" berz kirin. Jinan bi çepik û tililiyên xwe meşa xwe pêk anîn.

	&nbsp;

	Di meşê de polîsan mudaxaleyî pankarta "Hevserokatî xeta me ya mor e" kirin û nehiştin jin pankartê hilgirin. Polîsan di heman demê de nehiştin rojnameger dîmen bikşînin.&nbsp;

	&nbsp;

	Jin dema gihaştin hinda barîkatên polîsan pankarta xwe vekirin û derbasî qada çalakiya rûniştinê bûn.&nbsp;

	&nbsp;

	'Ew ê hevserokatiyê qebûl bikin'

	&nbsp;

	Endama DAKAP'ê &nbsp;Ayla Akat Ata di daxuyaniya ku di çalakiyê de hat dayin axivî. Aylayê got:"Ji bo em êrîşên li dijî destkeftiyên xwe bînin ziman em li qadan in. Em salan e li qadan têkoşîna wekheviyê didin. Ji bo em wekheviyê diparêzin em pergala hevserokatiyê diparêzin. Ew ê hevserokatiyê qebûl bikin. Tercîha gel tune dihesibînin. Lê em ê li berxwe bidin."

	&nbsp;

	'Qayim pêkanîna serdema OHAL'ê ye'

	&nbsp;

	Piştre Adalet Kaya axivî û got:"Qayima ku pêkanîna serdema OHAL'ê ye bû sedema texrîbatên mezin. 12 komeleyên jinan û komeleyek zarokan hatin girtin. Di wê serdemê de 52 malên jinan û stargeha jinan hatin girtin. Em dixwazin bînin ziman ku em li dijî vê zihniyeta talanker in. Nûnertiya wekhev em ê heta dawî biparêzin. &nbsp;Em ê pergala hevserokatiyê li her derê pêk bînin."

	&nbsp;

	Piştî axaftinan çalakiya rûniştinê ya 5 dkyan pêk hat û çalakî bi dirûşmeyan hat bidawîkirin.&nbsp;

	&nbsp;

	&nbsp;